Hindi maalis ang ngiti sa labi ni Alvin habang papasok sya ng university. Maganda ang araw ngayon at ganoon din kaganda ang nararamdaman na saya ni Alvin. Hindi mawala sa isipan nya ang nangyari kagabi. Masyado syang nabigla at nagulat. Hindi man umamin ng diretso si Alexis ay parang ganoon na rin ang dating sa kaniya nito. Hindi nya akalain na magiging tapat si Alexis sa mga sagot na lumabas sa kaniyang mga bibig. Habang naglalakad sa hallway ay nakakarinig sya ng nga bati ng mga estudyante. Yumuyuko ang mga ito ay kumakaway sa kaniya.“Good morning, dean!” bati sa kaniya ng mga estudyante. “Ang gwapo nyo po as usual!”“Good morning,” nakangiting bati nya pabalik.Ang ilan ay napatili sa kilig dahil sa napakagaan na aura na ipinapakita nya.Nang makapasok sya sa loob ng office ay agad na napansin ni Gian ang kakaibang presensya na meron si Alvin ngayon. Abot tainga kasi ang ngiti nya na hindi normal para sa kaniya. Madalas lang kasi itong naka poker face.“Anong meron?” agad na tan
Hindi maiwasang mapangisi ng mga staff sa ikinikilos ni Alexis ngayon. Masyadong ganado ito malayong malayo sa pagiging clumsy kahapon. Maganda rin ang kaniyang aura na para bang nakablush on dahil kanina pa mapula ang mga pisngi niya.“Mukhang in love nga si boss,” ani Jasmine kay Berna. “For sure may good news na naganap talaga.”“Nakita ko nga hinatid sya nung bebe ko,” sagot ni Berna.“Sinong bebe mo?” takang tanong ni Jasmine.“Si Sir Alvin,” natatawang sagot nya dahilan para mabatukan sya ni Jasmine.“Ayan ka na nama sa Fantasy mo, Berna,” naiiritang sagot ni Jasmine. “Kapag ako talaga nabarda sa kadeluluhan mo nako.”“Ito naman! Ineema ka lang!” depensa ni Berna. “Pero seryoso nga, nakita kong hinatid sya kanina kaya for sure iyon yung rason bakit sobrang saya ni boss.”Pinatigil sila ni Allen dahil dumarami ang customer na dumadating. Naging successful ang paglaunch nila ng bago nilang product na red velvet at iyon ang naging bagong mukha ng kanilang bakery shop. Natutuwa nga
Gabi na at wala pa rin si Alvin sa bahay. Naghihintay si Alexis sa kusina, nakapagluto na sya at nakapaglatag na ng mga pinggan. Hindi nya maiwasang mag overthink na naman dahil kanina pa rin hindi nagrereply si Alvin sa kaniya. Napalunok sya at napahikab.Alas syete na ng gabi, wala na syang choice kung hindi ang mauna nang kumain. Pero wala syang ganang kumain. Tumayo sya sa kaniyang inuupan at nagbabalak na matulog na lamang nang biglang bumukas ang pintuan ng kwarto. Doon ay agad na bumungad sa kaniya si Alvin na hinihingal.“S -sorry, wifey,” paumanhin niya at agad na naghubad ng tsinelas. “Nagkaroon kami ng group dinner sa office, hindi ako nakapagreply agad kasi nalowbat ako.”Ngumiti si Alexis at tumango. Tumuloy pa rin sya sa paglalakad paalis ng kusina.“Hindi ka na kakain?” agad na tanong ni Alvin sa kaniya. Pumunta sya sa kusina at nakita na nakhanda na ang lahat.“Wala na akong gana,” malamig na sagot ni Alexis. Nang mapansin ni Alvin na para bang may mali ay agad nyan
“Hindi mo alam kung gaano mo ako pinasaya, wifey,” ani Alvin at niyakap ng mahigpit si Alexis. “I love you.” Ngayon ay na sa parking lot na sila. Kanina ay halos maestatwa si Alexis sa mga nasabi nya pero wala syang pakialam ngayon. Ang importante ay nasabi nya ang gusto nyang sabihin. Natatakot kasi sya na baka mawala si Alvin sa piling nya. Lately lang nya ito napagtanto nang dumating sa eksena si Shekinah. Pauwi na sila ngayon at kakatapos lamang ng seminar na ginawa sa gym. May ngiti sa labi ang dalawa na kanina pa hindi nawawala matapos ng eksenang ginawa ni Alexis. Sa wakas, ito na ang panahon na masasabi ni Alvin na may pag-asa na nga sya kay Alexis. Matapos ang ilang minutong byahe ay huminto ang sasakyan at ipinarada ito ni Alvin sa parking space. Tinitigan nya ang mga malambot na mga mata ni Alexis na para bang nahihiya sa kaniyang ginawa kanina. “We’re engaged now,” dagdag ni Alvin at binigyan nya ng mabilis na halik sa labi si Alexis. “I’m so happy, really really happy!
Maagang nagising si Alvin, maganda ang naging pagtulog nya ngayon kasing ganda ng panahon sa labas. Sabado ngayon, pareho sila ni Alexis na walang pasok. Nag-unat sya at nasagi ng bahagya ang natutulog na si Alexis sa kaniyang tabi. Nilingon nya ito at napangiti. Niyakap nya si Alexis ng mahigpit at dinampian ng malambot na halik.“Good morning, wifey,” bulong nya rito.Tumagal pa roon si Alvin na para bang si Alexis ang naging pahinga nya. Matapos ng ilang minuto ay tumayo na rin sya sa kama para pumunta sa kusina at magluto. Sobrang gaan ng pakiramdam nya ngayon at hindi maalis ang ngiti sa kaniyang labi sa tuwing maaalala ang mga nangyari kahapon. Mula sa pag-amin ni Alexis sa gym hanggang sa magsama ang katawan nila sa iisang kama. Pagkabukas nya ng ref ay wala ng masyadong laman. Paubos na ang mga gulay at iilan na lang din ang mga natitirang karne at manok.Naalala nya na mayroong malapit na tindahan sa labas ng subdivision nila Alexis. Kaya naman nagpalit muna sya saglit ng s
Ang kaba sa dibdib ni Alexis ang syang nagpagising sa kaniya. Wala pa sya sa ulirat pero tila sya natauhan agad. Tila sya binuhusan ng malamig na tubig dahil sa mga narinig.“Palabas na ako!” agad na sagot nya kay Joy sa kabilang linya.Pinatay nya kaagad ang tawag. Tumayo sya ng kama ngunit agad rin na napaupo nang maramdaman ang kirot sa maselan nyang parte.“Fuck,” daing nya at napakagat sa kaniyang labi.Ni hindi nya akalin na aabot sa ganito ang pag-ibig nya para kay Alvin. Napangiti sya nang maalala ang tapang na ginawa nya kahapon. Malulunod na sana ang isipan sa mga masasayang nangyari kahapon nang maalala ang importanteng nangyayari ngayon.Pinilit nyang tumayo at tiniis ang hapdi na nararamdaman. Nagbihis sya agad at nagtungo sa labas ng bahay. Malapit lang ang gate ng subdivision sa bahay nila kaya tanaw nya kaagad ang sasakyan at ang lalaking naroon na tila ba may hinihintay. Napairap sya nang matanaw ang lalaki, si Manuel.“Bakit ba nandito ka na naman?” agad na bungad n
Kagaya ng cake na dala, ganoon din katamis ang ngiti sa labi ni Alexis. Hindi mawala ang maganda nyang pakiramdam. Habang naglalakad patungo sa office ng kaniyang soon to be husband ay napapasayaw pa sya sa tuwa."Magiging Misis Soriano na ako? Hindi na ako makapaghintay," bulong nya sa sarili nang huminto sa tapat ng office ni Manuel. "Na sa meeting pa po si sir," bungad sa kaniya ng secretary. "Hintayin nyo na lang po sya sa loob."Tatlong araw na simula nang pag-usapan nila ang tungkol sa kasal. Gusto nyang dalawin ang nobyo dahil magiging busy na ito sa mga susunod na araw dahil sa mga meeting. Ngayon na lang ang araw na meron sila at ngayon din nila balak mamili at maghanap ng reception venue.Sa katunayan, wala naman nang maihihiling pa si Alexis. Sapat na sa kaniya na mapangasawa ang kaniyang kababata at long time crush. Bata pa lang kasi sila ay gusto na nya si Manuel, kaya labis ang tuwa nya noon nang ligawan sya nito. Isang taon na rin simula nang maging magkarelasyon sil
Humagulgol nang tuluyan si Alexis sa balikat ni Joy. Ramdam nya ang paghikbi ng kaibigan at hindi nya maiwasang mapatiim bagang. "Sagutin mo ako, Alexis," muling sabi ni Joy. "Sinong gumawa nyan sayo?" Mas lalong lumakas ang hagulgol ni Alexis. "S -si Manuel," umiiyak na sagot nya. “S -sinampal nya ako.” Napakuyom ng kamay si Joy. Galit ang agad nyang naramdaman. Ang pula nyang labi ay halos magdugo dahil sa pagkagat nya rito para magpigil ng galit. Hindi sya makapaniwalang masasaktan ni Manuel si Alexis. "Kumain ka na ba?" tanong ni Joy at hinimas ang likod nya para patahanin. "Gusto mo ipagluto kita? Anong gusto mo? Gusto mo ng lugaw?" Tumango si Alexis bilang sagot. Tumayo silang dalawa at nagtungo sa kusina. Ipinagluto ni Joy si Alexis ng lugaw. Matapos ang ilang minuto ay na sa lamesa na sila para kumain. Kinapa ni Joy ang sitwasyon. Gusto nyang tanungin ang kaibigan sa nangyari. Kitang kita kasi nya ang sitwasyon nito ngayon. Masyadong haggard, kitang kita ang namama