018

"Bihis na bihis ka yata? May pupuntahan ka?" Tanong niya sa babae.

Nakatalikod pa lamang ito ay alam na ni Jared na si Melissa ang babaeng nakatayo sa labas ng lobby. Mukhang may lakad itong napaka-importante kaya naman na-curious siya at lumapit dito.

Nag-iwas ito ng tingin at saka sumagot.

"I have a job interview." Mahinang sagot nito ngunit sapat na upang marinig niya.

"Ganoon ba?" Bumaling siya sa direksyon tinitingnan nito.

Malakas ang buhos ng ulan at malamang ay bihira ang taxi na papara at magsasakay ng pasahero sa parteng iyon ng daan.

Muli siyang tumingin sa sideview ni Melissa. Mukhang naiinip na ito dahil sa pagkakatiim ng mga labi nito.

"I can give you a ride." Bigla ang pagkakasabi sa alok niya dito.

"No thanks." Ngunit mas mabilis din an pagkakasabi nito.

"I insist. Look, you might get late for the interview kung hihintayin mo pa na tumigil ang ulan." Aniya.

"Let it be." Sa halip ay sagot ni Melissa.

"I know you, Melissa. First impression matters to you kaya