015

Nagmamadaling pinuntahan ni Soledad si Artemio sa study room nito ng makarating sila ng mansion.

"Guess where I just came from?" Padabog nitong inilapag sa sofa ang shoulder bag nito.

Walang reaksyon ang mukha ni Artemio ng mag-angat ito ng paningin mula sa binabasang papeles.

"Alam kong nagpunta ka sa mga Dela Vega." Tila walang ganang sagot nito.

"Right! Galing nga ako sa mga Dela Vega." Inis na sabi ni Soledad.

"Well, let me guess. Nagkasagutan kayo ng isa sa mga anak ni Roberto?" Isinandal ni Artemio ang sarili sa backrest at tinitigang mabuti ang asawa.

"Napaka-impertinente!" Kulang na lamang ay maglupasay sa sahig si Soledad dahil sa sobrang inis. "Kung umasta ang mga iyon ay napakataas ng tingin sa sarili. Mga hampas-lupa! Mga walang modo!"

Napa-iling na lamang ang lalaki sa nakikitang reaksiyon ng asawa. Ramdam na ramdam niya ang matinding inis na meron ito para sa mga nakababatang Dela Vega.

"Sa tagal ng panahong magka-kilala kami ni Roberto, ganoon ko din ka-kilala ang