Chapter 1

(Tianna POV)

Busy ako sa pag-aasikaso sa mga kinder kong mga estudyante habang nasa auditorium kami para sa graduation nila at ng mga grade 6 students. Nang biglang magsalita ang host.

“Let's welcome the CEO of Louis Enrico Victor Gray Group of Companies, Lev Nimuel Gray!”

Huminto ang mundo ko sa narinig ko. Agad hinanap ng mata ko ang taong matagal ko nang hindi nakikita. Akala ko nakalimutan ko na siya pero ngayong narinig ko ang pangalan niya ay sobrang bilis ng tibok ng puso ka na parang kahapon lang kami magkasama.

Nang magsalubong ang mga mata naming dalawa ay halos manginig ako sa lamig ng kanyang tingin. Hindi naputol ang amig titigan kahit nagsasalita na siya ngunit kahit isa doon ay wala akong maintindihan dahil bumabalik sa isipan ko ang mga alaala ng nakaraan….. ang aming mga pinagsaluhan na alaala. Iniwas ko ang aking tingin. Tianna! Huwag mo nang isipin ang mga bagay na tapos na.

Hindi ko namalayan na natapos na ang kanyang speech at nasa harapan ko na siya ngayon upang kamayan ang mga guro. Halos lumabas na ang puso ko sa tindi ng pagtibok nito.

Lalo na nang abutin niya ang aking kamay. Sa pagdampi ng kanyang balat sa aking kamay ay hindi ko maiwasang sariwain ang mga pinagsaluhan namin nang gabi bago siya pumunta ng ibang bansa para mag-aral. Hindi ko makalimutan ang kanyang haplos at halik na tila nagmarka na ata sa aking isipan.

“Mr. Gray ranked number 1 on the richest man in the world. So it's a great honor to us that he accepted our invitation,” ani ng aming principal.

Wow.

“Kaya kailangan nating ibigay ang best natin habang nandito siya,” ani naman ng president ng PTA.

“Teacher Tianna, kindly give the food to Mr. Gray,” baling sa akin ng coordinator ng kinder department.

Ha?! Bakit ako? Talaga naman, oh. “Uhm…”

“Sige na…iba rin ang tingin sa'yo ni Mr. Gray kanina, eh. For sure hindi ka niya susungitan,” udyok ni Teacher Heidi.

Napipilitan kong kinuha ang tray na may lamang pagkain.

Halos mahulog ang hawak kong tray dahil sa panginginig habang papalapit ako sa kwarto na inilaan para kay Lev.

Pagkapasok ko pa ay naabutan ko siyang nagbabasa ng mga documents.

“G-good morning po, Mr. Gray. Magmerienda po muna kayo.” Halos hindi ko siya matignan. Sobrang lakas ng tibok ng puso ko sa kaba.

Tumango ito nang hindi niya ako nililingon.

Nagmamdali akong lumabas. Pagkasarado ko ng pinto ay doon pa lang ako nakahinga ng maluwag.

Ilang beses pang pumunta si Lev sa school namin ngunit sa ilang beses na iyon ay iniiwasan ko siya. Makita ko pa lang na paparating na siya ay lilihis na ako ng daan para lang hindi kami magkasalubong ngunit hindi na ako nakatakas nang utusan akong muli na i-tour si Lev sa buong school pero kasama naman namin si principal at iba pang may mataas na posisyon dito sa school. Porket newbie ako ay ako na lang ang palaging inuutusan. Hindi pa rin talaga nawawala ang ganitong culture sa trabaho.

Habang naglalakad kami ay binabagalan ko ang lakad ko para hindi kami magkadikit ni Lev.

“So mag-classmate kayo?” intriga ni principal nang mabanggit ni Lev na sa Piscasio High School din siya nag-aral. Tumingin sa akin si principal.

Tumango ako. “Yes po.”

Nagpatuloy ang aming tour hanggang sa magtanghali na kaya nagpaalam na ang iba sa amin para kumain na. Lumapit ako kay principal para din sana magpaalam habang katabi naman nito si Lev, na panay ang sama ng tingin sa akin. “Sir, magla-lunch na lang din po muna a—-” Sinenyas niya ang kamay niya na huminto ako.

“Mr. Gray, kumain muna tayo. Nagpa-reserve kami sa malapit na restaurant,” masayang sabi ni principal.

Umirap ako sa hangin. Sus. Napapaghalataan itong si principal sa balak niya. Kinukuha talaga ang loob ni Lev.

“No need…nagkanya-kanya na rin naman silang lunch,” malamig na tugon ni Lev sabay tingin sa akin.

Sinundan ni principal ang tinitignan niya. Umiwas ako ng tingin. Lin*ik namang Lev ito, oh! Ipapahamak pa talaga ako.

Wala tuloy akong nagawa nang yayain ako ni principal na sumama sa kanila.

Habang kumakain kami ay lumilipad ang isip ko nang bigla akong tapikin sa balikat ni principal.

“Teacher Tianna, kinakausap ka ni Mr. Gray…” ani nito bago ito nagpaalam na magbabanyo muna.

Lumingon ako kay Lev. “Uhm… I'm sorry but what did you say again?” tanong ko sa kanya.

He smirked at me. “Kumusta ka naman Ms. David….. o misis…na nga ba?”

Kumunot ang noo ko. “Ms. David pa rin,” madiin kong sagot.

“Sigurado ka ba? The last time I checked ay may lalaki ka,” sarkastikong sabi ni Lev.

“Ano bang pinagsasa—”