Chapter 7: Boutique

Hindi nagawang makapagsalita ni Domino sa kabilang linya. Para siyang nawalan ng boses dahil hindi niya inaasahang manggagaling ang mga salitang ’yon kay Tasha.

Nagbuntonghininga ang dalaga. “Pagod na ako, Domino. Sa susunod na lang natin ‘to pag-usapan,” walang buhay nitong sabi. Ang totoo ay ayaw pa muna sana niyang marinig ang boses nito.

“Sige, magpahinga ka na lang muna,” saad nito pagkatapos ay ibinaba na ang linya.

Naiiling na pinagmasdan niya ang kaniyang cellphone nang tuluyang mamatay ang tawag. Ibababa na sana niya iyon nang sa isang ekspertong kilos ay nagawang agawin ni Dimitri ang aparato.

Gulat na pinagmasdan niya ang lalaki upang alamin ang ginagawa nito. At doon niya napagtantong inilalagay na pala ng lalaki ang numero nito sa cellphone niya. “Anong ginagawa mo?” salubong ang kilay na kaniyang tanong.

“Saving my phone number to your cell. Dito mo ako tawagan kung may mga tanong ka sa susunod,” balewala nitong tugon.

Nang matapos sa paglalagay ng numero niya sa dial pad ay tinawagan niya ito. Awtomatikong nag-ring ang phone ni Dimitri kaya nagawa nitong makuha ang cellphone number ng dalaga.

Nang makuntento ay saka nito ibinalik ang phone a kaniya. Walang imik na tinanggap niya iyon at inilagay pabalik sa kaniyang bag nang hindi na tinitingnan pa ang nakalagay roon.

Ilang sandali lang ay naramdaman niyang huminto ang sasakyan sa labas ng isang magarang boutique. Sa unang tingin ay alam na agad ni Anastasha na mamahalin ang mga ibinebenta ro’n. From the structure filled with glasses down to the expensive chandelier hung in the middle speaks expensiveness!

Tulad nang nakagawian, tinulungan ni norman si Dimitri sa paglabas ng sasakyan hanggang sa makaupo ito nang maayos sa wheelchair niya. Lumabas na rin si Tasha at tumabi rito.

Sa kabila ng ideyang nabubuo na sa isip ng dalaga kung bakit siya dinala rito ni Dimitri, hindi na niya nakuha pang magtanong dahil wala na siyang lakas pa. Ngunit nagkamali siya nang akala niya ay bibili ng bagong damit si Dimitri. Dahil imbes na sa aisle ng mga panlalaking damit ay dumiretso sila sa area ng mga babae.

“Good morning, Sir! Good morning din po, Ma’am,” nakangiting bati sa amin ng clerk.

Mabilis na pinasadahan ng tingin ni Dimitri si Tasha pagkatapos ay binalingan ang hilera ng mga damit.  

“Don’t tell me ibibili mo ako ng damit?” alangan niyang tanong. Mas lalong lumaylay ang balikat niya nang tumango ito. “Oh, please don’t. Ayoko,” tanggi nito agad bago pa man sila makapagsimula.

Ipinagsawalang bahala ni Dimitri ang kaniyang pagtanggi. Binigyan siya nito nang malamig na tingin at saka inabot ang isang dress sa kaniya. She felt intimidated by him. Kaya naman kinuha niya ang damit at tahimik na nagtungo sa fitting room.

Aminin man niya o hindi, humanga siya sa sarili niya, humanga siya sa ganda ng dress na napili nito lalo na ngayon na suot na niya ito. Halos hindi na niya makilala ang sarili niya sa rason na ngayon pa lamang siya nakapagsuot ng ganitong klase ng kasuotan.

She looked rather matured in a simple deep v-neck white a-line satin dress  that exudes her elegance. Idagdag pa na umangat ang kaputian ng kaniyang balat kaya mas lalo siyang gumanda.

“Sir, alin po sa mga ito ang kukunin niyo?” magalang at magiliw na tanong ng clerk na siyang nabungaran niya pagkalabas ng fitting room.

“Lahat,” simple at dominante nitong tugon. Balewala rin niyang kinuha ang black car niya sa kaniyang wallet at inabot dito upang bayaran na agad ang kanilang pinamili.

“Nababaliw ka na ba?” ’Di makapaniwalang tiningnan niya si Dimitri. “Alam mo ba ang halaga ng bawat isang pirasong damit dito? Ang dami masyado nang binili mo!”

“Ginagawa ko ‘to para rin sa ’yo. Para hindi ka alipustahin ng dalawang iyon,” makahulugan niyang tugon.

Hindi na siya nakasagot pa at napatingin na lang sa kaniya.

Pagkaraan ay dinala naman siya nito sa section na puro mga underwear and naka-display. Magtitingin at kukuha na sana siya ng isang piraso roon ngunit bigla na lamang may sumulpot na panibagong sales lady at inabutan and binata ng isang pares ng underwear na gawa sa manipis na materyales lang. Halos wala na nga iyong takpan! Lace pa!

Agad na pinamulahan ng pisngi si Anastasya. Nakakahiya! Kung bakit ba naman kasi dito pa siya dinala ng lalaki. Ngunit agad ding umukit ang isang kakaiba at mapanuksong ngisi sa mga labi ni Anastasha nang may maisip na kalokohan.

Pasimple niyang pinasadahan si Dimitri at ang pagkakaupo nito sa wheelchair. Sunod at binalingan naman niya ang inalok na underwear ng clerk. Ano kaya ang magiging reaksyon ng binata tuwing nakakakita ng ganito gayong imbalido siya?

Subalit agad na napagtanto ni Dimitri ang nais nitong gawin lalo na nang mas lumawak pa ang ngisi sa mga labi ng babae. He squinted his eyes, trying to hide how they flicker at the sight of the lingerie the clerk offered to them. “Give me a pair of that one that fits her size,” he ordered using his domineering voice.