Chapter 6: Phone Call

Balot nang katahimikan ang naging biyahe nina Tasha at Dimitri patungo sa destinasyong hindi pa ipinaaalam ng lalaki. Ngunit kabaliktaran ang laman ng kaniyang isip dahil parang sirang-plaka na paulit-ulit na pumupuno roon ang ala-alang pinagsaluhan nila ni Domino sa loob ng siyam na taon.

At sa bawat masasayang memoryang kaniyang binabalikan, kapalit ay ang puso niyang paulit-ulit na nasusugatan.

Siyam na taon, Domino! Hindi mo na sana ako pinagmukhang tanga sa loob nang mahabang panahon!

Muli na namang naglandas ang luha sa kaniyang mga mata na agad naman niyang pinunasan. Hanggang sa hindi niya namalayan na huminto na pala sila sa tapat ng isang magara at sumisigaw sa karangyaan na mataas na gusali.

“Get out and follow me,” malamig nitong sabi.

At kahit sa mga segundong iyon ay hindi niya pa rin magawang masanay sa presensya ng lalaki. Halos walang emosyon na mababakas sa boses ni Dimitri. Puno iyon nang lamig. Na para bang siya ay galit o ’di kaya’y walang pakialam sa kaniyang paligid.

Agad na dinaluhan ni Renato si Dimitri nang marinig ang sinabi nito. Ito na ang nagbukas ng pintuan at agad na umalalay sa paglabas nito.

Samantalang naiwan namang tulala at puno ng gulat si Tasha sa loob ng sasakyan habang kagat ang ibabang labi sa hindi pagkapaniwala. Mula sa bintana ay tinatanaw niya ang mataas na gusali at wala siyang ibang maisip kung gaano ito kaganda.

“Dito tayo titira oras na ikasal tayong dalawa. On my penthouse to be exact,” dugtong nito na nagpaluwa halos ng kaiyang mga mata.

Seryoso ba ito? Hindi tuloy matigil ang mga daliri niya sa png mga daliri niya sa paglalaro ng bag niya sa ibabaw ng kaniyang kandungan. Hindi niya ito inaasahan.

“O-Okay, sige,” may bahid pa rin nang alangan na tugon niya. Pero hindi na niya intensyon na umatras pa.

“Iparehistro na natin ang kasal,” pinal nitong sabi na tahimik lang niyang tinanguhan.

Hindi na niya alam kung ano pa nga ba ang nararaat niyang sabihin. Ni sa hinagap ay hindi niya naisip na papasukin niya ang ganitong bagay. Hindi siya hopeless romantic pero pangarap niya ang maipakasal sa lalaking mahal niya. Tulad nang pangarap niya para sa kanila ni Domino.

Flash marriage? Contract marriage? Never in her life she knew she’d end up having one. Most especially with the brother of her first love.

“Drive us to the municipal hall,” Dimitri ordered once again.

Atubiling sumunod naman si Norman na muling tinulungan ang lalaki papasok ng sasakyan. Walang sinasayang na minuto na pinasibad niya ang sasakyan patungo sa munisipyo.

She always dreamt of a marriage that would make her heart jump in joy. Instead, tears started bursting out from her eyes the moment she entered the car again after sealing their contract marriage. Iyak na hindi sa pagmamahal ngunit sa rason na hindi niya nagawang pakasalan ang lalaking pinakamamahal niya. Na hindi niya nagawang tuparin ang pangarap niya.

Noon pa man, pangarap na niyang pakasalan si Domino. Pero para siyang pinaglaruan ng Diyos dahil imbes na ang lalaki at ang Kuya nito ang kaniyang nakaisang dibdib.

“What’s with the long face? Nagsisisi ka na ba agad?” Nilapatan siya nang malamig na tingin ng lalaking kaniyang katabi.

Nanatili siyang nakatingin sa labas ng sasakyan. Tahimik lang siyang umiling dito habang inaalala ang kapirasong papel sa loob ng kaniyang bag na sumisimbolo ng kanilang kasal.

“Take us to the nearest mall, Norman,” he ordered his secretary.

“Yes, Sir,” masunuring tugon nito.

Parang tuod lang na nakaupo si Anastasha sa tabi ni Dimitri. Blangko lang ang kaniyang mga mata habang nakatingin sa kawalan. Hindi niya alam kung ano ba ang dapat niyang maramdaman.

Natigilan siya nang pumailanlang ang isang pamilyar na musikang nagmumula sa cellphone niya na hudyat nang isang tawag. Huling El Bimbo ng Eraserheads. At kahit na hindi niya tingnan kung sino ang tumatawag, kilalang-kilala na niya ’yon. Tuloy, para na namang tinutusok-tusok ng maliliit na karayom ang puso sa kirot. Nahihirapan siyang makaahon mula sa sakit tapos ito na naman at tatawagan siya nito.

Kung noon ay wala pang isang ring ay agad na niyang sinasagot ang tawag. Ngayon ay para na iyong punyal na nakatutok sa leeg niya, pinahihirapan siyang kumilos at huminga. Sa huli, pagkatapos pagmasdan ng ilang minuto ang aparato ay pinatay niya ang tawag ni Domino.

Mas lalong nabalot nang katahimikan ang sasakyan nang tuluyang namatay ang tawag. At aminin man niya o hindi, masyadong nakakailang ang paligid.

But as stubborn as she knew her first love, Domino, was… Anastasha’s phone rang for the second time. Tulad nang nauna nitong papatayin niya na sana iyon kung hindi lang hinawakan ni Dimitri ang kamay niya upang pigilan siya sa kaniyang plano.

“Answer his call,” malamig nitong sabi sabay bawi ng kaniyang kamay. “Pamilya na tayo. Sa ayaw at sa gusto mo, magkikita at magkikita kayo.”

Nabalot siya nang alinlangan sa tinuran nito. Hindi man siya handa upang muling harapin si Domino, alam niya sa sarili niyang tama ang kapatid nito. Dahil simula nang pumayag siya sa alok na kasal ni Dimitri, naging parte na siya ng pamilya ng mga Lazatine. 

She’s now sister-in-law with her first love; the man she thought she’d exchange vows with.

Pagkatapos humugot ng isang malalim na hininga, pikit-matang sinagot niya ang tawag. “Hello?” pilit na pinakaswal ang boses na sagot niya sa tawag.

“Tasha! Nasa’n ka? Okay ka lang ba?” tanong nito, ang boses ay balot nang pag-aalala.

Simula nang umalis ang babae sa opisina dahil sa nasaksihan nitong eksena, hindi na nawala ang pag-aalala kay Domino. Lalo na’t alam niyang may sugat itong natapo. But he’s worried only because he doesn’t know how he would explain things to his family! That’s it!

Mapakla ang naging pagtawa ni Tasha. “Ano namang pakialam mo kung nasaan ako?” kalmado ngunit puno nang lamig niyang tanong pabalik dito. Nakapako pa rin ang kaniyang paningin sa bintana at iwas ang tingin sa kaniyang katabi.

Sa kabilang linya, inusig nang konsensya si Domino dahil sa naging tono ni Tasha sa kaniya. Ni minsan, hindi ito gumamit ng ganitong timbre tuwing kausap siya. “I’m sorry, Tash,” aniya.

Tasha smiled bitterly and replied indifferently, “Domino, forget it. Okay lang ako.”

Nagbuntonghininga sa kabilang linya si Domino. “Masyadong maraming nangyari ngayong araw. Umuwi ka na muna at magpahinga. Pupuntahan kita sa makalawa. Huwag kang mag-alala. I’ll pay every damage I may have caused you.”

“Gusto mo akong bayara?” kalmadong tanong ni Tasha.

“Yes! Anything! Sabihin mo lang sa akin ang gusto mo, ibibigay ko,” agad nitong tugon. Para pa siyang nabunutan nang tinik sa sobrang sigla nang boses nito.

Umukit ang isang mapait na ngiti sa kaniyang mga labi kasabay nang pagguhit ng panibagong sugat sa kaniyang puso. Kahit sa telepono, nagagawa pa rin siyang saktan ng lalaki. “Give me one of your properties and I’ll call it quits.”