Chapter Fifty One: Escape

HINDI pumayag si Trisha na umalis ako ngayon'g gabi. Kaya naman bago kami bumalik sa bahay niya ay dumaan muna kami sa isang convenient store upang bumili ng beer.

"Hmm, magkuwento ka mamaya kung ano ang ganap sa loob ng bahay mo! Ang tagal mong lumabas eh." Ani Trisha pagkatapos magbayad sa counter. "At saka, naririnig kitang sumisigaw kanina. Akala ko kung ano na ang nangyayari sa'yo. Balak ko na sana'ng pumasok sa loob ng bahay. Kaso nang mapagtanto kong kakaiba ang tono ng pagsasalita mo ay hindi na ako tumuloy." Giit pa niya.

"Tss, wala naman'g kwenta 'yon. Ba't pa natin pag-uusapan?"

"Alalahanin mo, iiwan mo na ako bukas. Kaya hindi pwedeng pati iyon ay isekreto mo pa. Tara na, bumalik na tayo sa bahay para masimulan mo na ang pagkukuwento sa nangyari kanina sa bahay mo." Giit pa niya.

"Fine." Napipilitan'g pag sang-ayon ko.

Nang makabalik na kami sa bahay niya ay agad namin'g sinimulan ang pag-inom ng beer. Ikinuwento ko rin ang nangyari kanina sa bahay kaya't mas lalo la