Kabanata 230

Napasulyap ang mag-asawa na nasa loob nang may makita silang pamilyar na pigura na nakatayo sa labas ng bahay nila. Nang tanggalin nito ang suot na sunglass, napagtanto nilang si Graciella nga ang nasa labas kasabay ng pagkarinig nila ng ingay papalapit sa bahay nila.

Mabilis na lumabas ang dalawa para salubungin ang panauhin nila. Akmang babati si Graciella sa mag-asawa subalit agad siya nitong hinila papasok sa loob ng bahay at nagmamadaling isinara ang pinto sa takot na makita ng mga influencers si Graciella.

Agad na naintindihan ni Graciella ang reaksyon ng dalawa kaya mapait siyang napangiti. "Mukhang alam niyo na po pala ang balita tungkol sa akin."

Napabuntong hininga si Simon na dating kapitan ng lugar nila at napasulyap pa sa asawa nitong si Lora bago nagsalita. "Sobrang daming mga tao ang bigla nalang sumugod dito kaya nalaman ko agad ang pakay nila. Ano bang pumasok sa utak mo at bigla kang bumalik dito Graciella? Paano nalang kung nakita ka ng mga asong ulol nasa labas? Ba