Chapter 52

CHAPTER 52

“One more, Babe. You need energy,” wika ni Castiel habang matyaga siyang sinusubuan ng pagkain na madali lang matunaw.”

Ngumanga siya para tanggapin ang huling subo na inuumang ni Castiel kahit pa halos masuka na siya dahil iba ang lasa sa kanyang bibig.

Napangiwi na rin si Castiel nang makita ang itsura niyang halos iluwa na ang nasa bibig.

“It’s okay, Babe. Babalik rin sa ayos ang panlasa mo.” Inabutan siya nito ng tubig na may sapat lang na dami ayon na rin sa ibinigay na instruction ng kanyang doktor.

Ilang araw na simula nang nakalipat sa private room at tuluyan na ngang idineklara ng doktor na safe na siya matapos ang ilang araw na obserbasyon. Kailangan na lang tuluyang maghilom ang mga sugat niya at pwede na siyang ma-discharge sa mga susunod na araw.

Inalalayan siya ni Castiel na muling humiga. Todo alaga sa kanya ang lalaki at doon na nga tumitira.

“Cast,” tawag niya rito habang ma