Chapter 47

Halos matuod si Jacob sa kaniyang kinatatayuan nang makita niya si Lauren na pumasok. Iba sa karaniwan nitong ayos ng buhok na minsang nakatali lamang ng ponytail o di kaya’y nakaladlad lamang sa kaniyang likuran, maayos itong nakataas sa kaniyang ulo at napalilibutan ng maliliiit na dyamante sa bawat sulok nito. Dahil nakataas ang kaniyang buhok, kitang kita ang hulma ng kaniyang katawan mula sa kaniyang balikat, suot ang malalim na berdeng gown na simple lamang na nakadantay sa kaniyang katawan upang palabasin ang hubog nito, at ang kaniyang mataas na sapatos na kulay itim ang siyang nagpa-ikot sa lahat ng ulong nadaraanan ng dalaga.

Hindi nais ni Jacob na umangat ang kaniyang ulo, o isipin na siya lamang ang nakapukaw ng atensyon ng dalaga, ngunit ang mga mata ni Lauren ay sa kaniya lamang nakatuon hanggang sa makapasok siya sa hall. May iilan na nakapansin kung saan ito nakatingin, kaya naman napukaw rin ang mga mata ng iba papunta kay Ja