CHAPTER 3: DIVORCE

Palabas na sana siya ng silid nang tumunog ang cellphone niya na nakapatong sa side table. Agad niya itong nilapitan at kinuha.

Nang mabasa kung sino ang tumatawag ay agad niya iyong sinagot. It's Will, baka may balita na ito sa kakambal niya. 

“Hello?” salubong niya dito. 

“Galing akong hospital, pero wala doon si Iris. Ang sabi sa nurse station nag-iwan lang ng contact number ang kasama nito,” diretsong wika nito.

“Ano?” gulat na wika niya. Usapan nila ay hindi nito iiwan ang Lola nila. 

“Sinong kasama niya?” 

“Yun nga e, ayaw sabihin ng mga nurse. I'll try to find out, then I will call you again.” Napaupo siya sa kama nang makaramdam ng panghihina.

“Sinong kasama ni Lola? May mag-aasikaso ba sa kanya? Anong sabi ng mga doctor?” sunod-sunod na tanong niya, hindi siya mapapakali hangga't walang mag-aasikaso sa Lola niya.

“Don't worry, katulad ng sinabi ng doctor naka-schedule bukas ang operasyon ng Lola mo. May mga nurse at doctor na rin ang naka-assign sa kanya. Bukod pa ro’n ay bayad na ang pang-isang buwang bill at gamot niya.” Dahil sa sinabi nito ay nakahinga siya ng bahagya.

“For now, take care of yourself there. Balitaan na lang kita about Iris and your Lola.”

“Mabuti naman, thank you so much, Will.” Buong puso ang pasasalamat niya sa tulong nito. Bagama't nagkaroon ito ng hindi tamang relasyon sa kakambal niya ay ramdam naman niya na sinsero ang nararamdaman nito.

“Walang—” naputol ang akmang sasabihin nito nang bigla na lang may humablot ng cellphone niya.

Gulat na napatayo siya at nilingon ito. It's Bryle.

Kanina pa ba ito doon?

Mula sa cellphone niya ay matiim siya nitong tinitigan. Kung nakamamatay lang ang titig ay kanina pa siya bumulagta. 

Walang sabi-sabi itong tumalikod at binuksan ang sliding ng balkonahe at pagkatapos ay buong pwersa nitong itinapon ang cellphone niya na ikinahiyaw niya. 

Iyon lang ang cellphone niya. 

Iyon lang ang tanging contact niya sa Lola niya.

Mabilis na namasa ang mga mata niya. “Ano ba! Bakit mo tinapon ang cellphone ko?” galit na sinugod niya ito ngunit nahawakan nito ang pareho niyang braso.

“Pagkatapos mo akong nakawan ngayon naman ay harap-harapan mo akong lolokohin?” gigil na saad nito. “Kailan ka ba makukontento?” 

Napalunok siya sa talim ng tingin nito, nanggagalit hindi lang ang mga mata nito maging ang mga bagang. Parang umusod hindi lang ang luha niya maging ang galit niya sa pagtapon nito ng cellphone niya.

“I’m sorry,” mahinang saad niya na ikinangisi lang nito. Bagama't matalim ang tingin nito ay mababanaag ang pagod sa likod no’n.

“I'm so tired of all your shits! Mas maganda sigurong ibalik na kita sa bahay ng mga magulang mo. Our company is still willing to work with your company, just leave this house and my life!” Pabato nitong binitiwan ang braso niya.

No! Hindi siya pwedeng umuwi sa bahay nila. She sacrifice everything just to leave that house. 

“Pack your things,” utos nito bago tumalikod. 

Hindi pa man ito nakakalabas ay mabilis niya itong niyakap mula sa likod na ikinatigil nito sa paglalakad. “Ayokong umuwi sa bahay, hayaan mo na lang ako dito, please! Pangako, I'll try to change.” Mahigpit ang pagkakayakap niya dito, hindi niya alam kung bakit ngunit hindi niya mapigilan ang sariling umiyak. 

Once na ihatid nga siya nito posible na malaman nito at ng nanay niya ang ginawa nila ng kakambal. 

“Pwede kang dumito muna habang hinahanda ko ang divorce paper, kagaya ng sinabi ko our company is still willing to work with yours, just don't expect na makikipag-merge kami sa inyo. Consider that as a payment sa ninakaw mo.” Marahas na tinanggal nito ang mga kamay niyang nakayakap dito. 

Walang magawang napaupo siya sa sahig. Hindi na niya alam kung ano ang pinasok niya.

Dapat na maging masaya siya dahil nakikipaghiwalay na ito sa kakambal niya, tapos na ang misyon niya. Ngunit sa loob niya ay nakokonsensya pa rin siya para dito, tila may naging ambag din siya sa problema nito. She has to do make it up to him bago pa nito matapos ang pag-aasikaso sa divorce paper. 

And also, kailangan niya munang malaman kung nasaan ang kakambal niya. 

Tatlong araw na rin simula ng umalis si Bryle sa bahay nila. Sa secret room na nasa loob ng opisina siya natutulog. After all, he has a lot of things on his plate right now. 

Abala siya sa isang katerbang papeles na nasa lamesa niya na nangangailangan ng pirma niya.

“Ang sabi ni Manang, parang may kakaiba daw sa asawa mo,” saad ni Brian habang nakaupo sa sofa na nasa loob ng opisina niya.

Pinapunta niya ito sa bahay niya para silipin at alamin kung ano ang pinagkakaabalahan ni Iris. Dahil baka pag-uwi niya ay may bago na naman itong kalokohan. 

“Anong kakaiba?” tanong niya habang abala ang mga kamay sa pagpirma. 

“Mas bumait daw.” Naitaas niya ang tingin nang sabihin nito iyon. “Hindi kaya natakot na hiwalayan mo siya kaya biglang bumait?” 

“I must see it my self then.” Mas okay kung iyon ang dahilan ng pagiging mabait nito. Huwag lang talaga para pagtakpan ang panibagong kalokohan nito. Dahil baka hindi na niya alam kung anong gagawin dito. 

“What about the divorce papers?” Ibinilin niya rito ang bagay na iyon. 

“Si attorney na ang bahala don.” Tumango siya sa sinabi nito. “Are you sure na hihiwalayan mo siya? What about Dad?” Yeah. After dealing with Iris, he still need to deal with their father. 

“Kung gusto niya pa ring mapanatili ang kumpanya na ‘to, he has to let go of Iris,” matigas ang tinig na ani niya. 

“Ginalaw niya ang kumpanya, now she has to pay for the consequences. Mabait na nga ako sa part na hindi ko siya ipakukulong at binayaran ko ang lahat ng ninakaw niya. Now, it's time for her to pay for my freedom.” 

Sa tatlong taon nilang pagsasama ay hindi man lang sila nagkasundo. Noong una ay sinubukan niyang makipagkasundo dito ngunit masyadong malaki ang pagkakaiba nila. Kaya upang mabawasan ang pagtatalo nila ay sinikap niya itong iwasan at kung anuman ang kasalanan nito ay madalas niya iyong pinalalagpas. 

Nang malaman niyang nakipagrelasyon ito kay Will na pinsan niya ay doon na tuluyang nawala ang tiwala niya rito. At dahil sa ginawa nitong pagnanakaw sa kumpanya, hindi na niya matiis na makasama pa ito. 

Kung hindi niya ito bibitawan ay baka siya ang malaglag.