CHAPTER 81: I Can't Live Without You

JANINA MARIE

Halos mawasak ang mundo ko dahil sa balitang dumating. Hindi ko napigilan nang unti-unti akong nawalan ng malay. Nagising na lang ako dahil sa mga boses na tumatawag sa pangalan ko.

“Ma’am, gusto n’yo po bang dalhin namin kayo sa hospital?” tanong sa akin ng secretary ko.

"Ma'am, ano po ang nararamdaman mo?"

"Misis Montefona, kumusta po kayo?"

"Ma'am, gusto n'yo po ba ng tubig o kahit anong inumin?"

Umiling ako sa bawat tanong ng mga taong nakapaligid sa akin. Pinilit kong umupo kahit nanghihina ako. Agad kong inutusan ang aking personal assistant na tawagan si Althea at Lola Genevieve. Agad naman siyang tumalima sa utos ko.

“Ma’am, on the way na raw po ang lola mo,” wika ng inutusan ko.

Bago pa man ako magsalita ay agad na pumasok si Althea sa conference room ng isang hotel kung saan namin isinagawa ang meeting para sa expansion ng mga projects ng Villasanta. Agad akong yumakap kay Althea habang hinahayaan niya lang na dumaloy ang mga luha ko.

“Ano ang gagawin ko?” ta