CHAPTER 2

Quinn Scarlett Laurent's POV

Ilang sandali pa ay nakarating na kami sa apartment ni Miza at dahil tabing-kalsada lang naman ito, pagkababa pa lang ng e-jeep ay rinig na rinig na namin ang malakas na boses ni Shane.

“Mukhang nasa loob na si Shane,” banggit ko kay Diane.

“Obvious ba? Ang lakas ng speaker ng bunganga eh,” natatawang sagot ni Diane sa akin.

Napatawa na lang din ako at nagtuloy-tuloy na sa aming paglalakad.

“Papunta kayo kay Miza? Pakisabihan naman yung isang bisita na medyo hinaan ang boses,” sabi ng isang lalaki na nakasalubong namin.

“Sige, Kuya, pasensya na,” sagot ko sa kanya.

Ngumiti naman ito at umalis na, tila babalik na sa kanyang silid.

Nagtuloy-tuloy na kami patungo sa silid ni Miza. Actually, this apartment is shared with 5 people.

“Pakihinaan daw ang boses, bes, nagrereklamo yung kasama n’yo dito,” sabi ni Diane nang makapasok na kami sa silid.

“Hindi naman malakas boses ko, te,” pabalyang sagot ni Shane.

“Ewan ko sa’yo, pero in fairness, ang ganda ng view dito sa apartment mo, Miza,” sabi ni Diane na siyang nagpakunot ng noo ko. “Katulad kanina, ang sarap sa mata nung pandesal na nakipag-usap sa’yo, ’di ba, Scar?”

“Ha?” confused na tanong ko sa kanya.

“Ano ka ba, sabi niya ang sarap daw ng abs nung lalaki,” sabi ni Shane. “Teka, kasamahan mo dito sa apartment ’yon? Nakita ko ’yon kanina galing jogging.”

“Yep, he’s Yohan, from Sinclare University,” nonchalant na sagot ni Miza habang nanonood sa kanyang iPad.

“Wow, isang linggo ka pa lang dito kilala mo na agad siya?” surprised na tanong ni Diane dito.

“Of course, gusto kasi ng tenant na magkakakilala kami dito sa bahay, and also, mabait si Yohan,” sabi ni Miza. “Makakasama natin siya sa school kung saan tayo ide-deploy bukas, pero by next week pa ang deployment nila.”

“Nila? Do you mean na may makakasama tayong mga practice teacher na galing sa ibang school?” tanong ko sa kanya.

“Yes, actually, kasama ko yung apat dito, dalawang guy at dalawang girl,” sagot niya na hindi man lang ako pinadadapuan ng tingin.

Hindi na lang ako umimik, since they are from university siguradong maca-compare na naman kaming mula lang sa maliit na paaralan ng kolehiyo.

“Alam ko iniisip mo, actually pumasok din sa isip ko ’yan na malamang maca-compare tayo sa mga ’yon,” sabi ni Miza.

“Edi mas galingan natin!” sang-ayon naman ni Diane.

“Mas malaki lang school nila, mas magaling pa rin tayo!” sigaw naman ni Shane.

“Shhh! Ang bunganga mo talaga, Shane, lalagyan ko na ’yan ng silencer!” pagsuway ko sa kanya.

Napatawa na lang silang tatlo dahil sa sinabi ko, habang ako ay napailing-iling na lang.

“So, anong oras daw ba bukas at nagawa n’yo pang mag-aya para mag-bar ngayon?” sabi ko bago naupo sa kama ni Miza.

“Itong taong ’to, napakatamad makinig sa ating formator, ala-una pa tayo ng tanghali kaya okay lang na mapuyat tayo!” sagot ni Shane sa akin.

“Nasa trabaho nga ni, ’di ba nga,” nang-aasar na sagot ko sa kanya.

Sinimangutan ako nito samantalang tinawanan ko lang siya.

“Mga 9 p.m. us pupunta, ’no?” tanong ni Shane.

“Yes,” maigsing sagot ni Miza.

“Bawal magsama ng boyfriend ha! Respeto naman sa single!” singit ko sa kanilang usapan.

“Si Shane lang naman ang may boyfriend!” sagot naman ni Diane sa akin.

Nginitian ko siya. “So dapat ba sinabi ko na ‘bawal sumama sa hindi boyfriend?’” natatawang sabi ko sa kanya.

Umirap naman ito sa akin. Hindi na ako nagsalita pa dahil baka mamaya ay mapikon ito sa akin. Simula nang makipaghiwalay ito sa kanyang boyfriend na two years ay parang naging isa na itong playgirl. Kung kani-kanino na lang sumasama at kung saan-saan nakikitulog.

“Gayahin mo si Scar, no boyfriend since birth,” biglang imik ni Miza sa gitna ng aming katahimikan.

“No boyfriend since birth, libo-libo naman ang crush,” nakairap na sagot ni Diane. “Tapos ang hilig-hilig sa gwapong clean boy na mayroong malaking biceps!”

“Oh, bakit ba? Ikaw nga ang hilig-hilig mo sa cosplayer!” sigaw ko sa kanya. “Pag tinanggal naman ang make-up, tingin mo ba ’yun pa rin yung paborito mong character?”

Nakita ko ang bahagyang inis sa mukha nito bago mabilis na kumuha ng unan at ibinato sa akin. Agad naman akong gumanti, hinampas ko ito at doon na nag-umpisa ang aming pillow fight.