Kabanata 27

"Pinagsasabi mo, Fred?" maang-maangan niyang tugon, pero hindi naman makatingin sa akin ng deritso.

" 'Wag ka nang magmaang-maangan, Gwin. Alam ko na alam mo kung ano ang ibig kong sabihin," pabulong, ngunit madiin kong sabi.

Alam ko na malaki ang kasalanan ko sa kanya, pero hindi ko pa rin maiwasan na magalit. Pwede niya naman sabihin sa akin ang totoo, pero tinago niya pa.

"Pwede ba, tumahimik ka nga, marinig ka pa ng Anak ko," sabi niya.

Nalampasan na niya ako at kaharap na niya ang gate, pero hindi naman niya magawang buksan.

" 'Yan ka, Gwin, kaya hindi kaagad na-aayos ang problema, kasi umiiwas ka, tumakas ka."

Dinaan ba ako sa pagmamaldita. Style, niya talaga 'yan kahit noon pa. Kapag ayaw niya mapagsabihan o masita ang mga ginagawa niya. Inuunahan niya ng pagmamaldita, pero kahit ano pa ang pagmamaldita ang gawin niya ngayon ay hindi na oobra sa akin.

Ang dami niyang kailangang ipaliwanag, at hindi ko na kayang palipasin ang isa pang araw bago kami mag-usap.

"Hindi mo ako