CHAPTER 19

Parang sasabog ang dibdib ni Klarisse sa narinig mula kay Michael. Napahawak siya sa dibdib niya sabay sandal sa puno ng niyog na kinaroroonan niya. Hindi niya alam kung sino ang kausap niya, pero sigurado siya na silang dalawa ni Nathan ang pinag-uusapan ng kausap nito.

Bakit nga ba siya umasa na maganda ang intensyon ni Michael sa paglapit sa kanya?

Michael is no saint.

Nasaktan niya ito noon kaya naman bumalik ito sa buhay niya para parusahan at iwan sa ere kapag kapit na kapit na siya rito.

Patuloy sa pakikipag-usap si Michael sa kung sino man ang nasa kabilang linya, pero parang nabingi na si Klarisse dahil ayaw niya nang makarinig pa ng mga masasakit na salita mula sa lalaki. Klarisse wanted to disappear. She wanted to walk out pero natatakot siyang makita siya ni Michael kaya hinintay niya na lang na matapos itong makipag-usap at umalis sa puwesto nito. Na nangyari nga ilang minuto lang ang makalipas.

Bago maglakad palayo sa kinaroroonan ay inayos niya na muna ang sarili.