Chapter Eight: Puzzle Pieces

Sa hindi mabilang na pagkakataon buhat nang umuwi sila sa Nueva Ecija ay muling sumubok si Sana na maghanap ng trabaho. Sa pagkakataong ito, pinili niyang mag-apply bilang office clerk sa isang micro-lending company sa siyudad na katabi ng bayan nila. Maaga siyang gumayak kanina at nagpaalam sa kanyang ina. Tanging ang tatlong kopya ng mga credentials niya ang dinala niya.

Hindi na biro ang manatali lang siya sa bahay sa loob ng ilang buwan. Said na said na ang budget niya. Nahihiya na siya sa mga magulang dahil hindi man siya makatulong sa mga gastusin nila sa bahay. Pagkatapos magpaalam sa kanyang ina kanina ay mabilis na siyang lumarga.

“I’m sorry Miss Sandejas but the position was filled just early this morning before you arrived,” ang sabi ng receptionist sa kanya nang iabot niya ang credentials niya rito.

Napakunot ang kanyang noo. Kagabi lang ay sinabi nito sa kanya over the phone na bakante pa ang posisyong iyon. Umipas lang ang magdamag ay heto ang babae at sinasabi na may na