KABANATA 23

Nabato-balani ako at hindi makakilos sa kinatatayuan. Para bang hinihintay ko na lamang na lumingon si Delton dahil alam kong tapos na ang taguan. Unti-unti, bumagsak ang cellphone na hawak ko sa tainga kasabay ng mga luha ko. Ramdam ko pa ang bahagyang pagsipa ni Arkan na siyang kinaluha ko lalo.

"Are you excited to meet your father?" mahinang tanong ko at nagawa pang sulyapan ang umbok kong tiyan.

Napangiti ako nang mapait lalo na matapos makita ang pares ng black shoes sa harap ko.

Tapos na ang pagtatago, Mayu. Bigkas ng utak ko.

"It's late night, why are you still outside? The baby might caught cold."

Namilog ang mga mata ko sa swabeng boses na iyon. Napakurap at agad na nag-angat ng tingin para lamang makita si Gueco na nakangisi sa harap ko.

"You thought it's Aldo?" paninigurado nito sa akala ko.

Awang ang mga labing kumunot ang noo ko at nilingon pa ang likuran niya para makumpirmang hindi nakasunod si Aldo. Umatras ang luha ko