Chapter 22

Isang malakas na katok sa pintuan ng kuwartong tinutuluyan namin ni Sir Troy ang nagpagising sa akin. Napipikit ang mga matang bumangon ako at napatingin sa digital clock na nasa lamesa katabi ng kamang hinihigaan ni Sir Troy. Alas kuwatro pa lang ng madaling araw. Sino namang siraulong mangangatok sa amin ng ganitong oras? Nasisiraan na yata iyon ng bait eh. Lumapit ako sa kama at niyugyog ang balikat ni Sir Troy.

“Sir pagbuksan mo ‘yon, inaantok pa ako.”

Mukhang tulog na tulog pa ito kaya hindi naririnig ang sinasabi ko. Niyugyog ko siyang muli pero wala pa rin. Nang subukan ko siyang hilahin ay saka lang siya gumalaw. Ang akala ko ay babangon na siya. Nagulat ako nang biglang niya akong yakapin kaya napahiga ako sa kamay. Anak naman ng tokwa. Kung kailan naman talaga ginigising saka pa ako kinulong sa yakap niya. Kung puwede lang kagatin ang braso nito ginawa ko na.

Sinubukan kong umalis sa pagkakayakap niya, ang kaso lalo niya