Chapter 58

“Ako na riyan, Sir Troy.” sabi ko saka kinuha ang mga papeles na tapos niya nang pirmahan.

Ang ginagawa niya kasi, kapag tapos niya nang pirmahan ang bawat papel ay sinasalansan niya iyon agad. Kanina pa ako nakatingin sa kaniya at kanina ko pa rin siya nakikita na nahihirapan. Minadali ko tuloy agad ang pag-aasikaso ng kaniyang schedule para sa susunod na linggo. Ang nangyayari kasi, ipanapadala sa kaniya ni Riye lahat ng mga documents para i-review at mapirmahan niya. In short, parang siya pa rin ang CEO ng kumpanya, work from home set up nga lang.

“Alam mo ba kung paano ayusin ‘yan? Eh yung trabaho mo?” tanong niya sa akin, nakataas pa ang isa niyang kilay. Kung makatingin siya akala mo ay wala siyang tiwala sa akin.

Napahawak naman ako sa aking dibdib at nagpanggap na nasasaktan.

“Aray ang sakit!”

Napatayo naman agad siya sa kaniyang upuan at lumapit sa akin. Nabigla pa ako nang hawakan ni