CHAPTER 1

CHAPTER 1

JILLIAN FLORES

“Jillian tumawag si Jeffrey sa akin ngayon ngayon lang. Ang nanay mo raw isinugod sa ospital,” humahangos na pagbabalita ni Jane sa kanyang kaibigan.

Nagulat naman si Jillian sa ibinalita na iyon ng kanyang kaibigan dahil nasa opisina sila ngayong dalawa. At abalang abala si Jillian sa kanyang trabaho dahil marami rami pa rin talaga ang mga paper works na kailangan niyang matapos ngayong araw. Kaya naman tahimik lang talaga sya ngayon sa kanyang table at seryoso sa kanyang trabaho.

“Ha? S-si nanay? B-Bakit anong nangyari?” kandautal naman na tanong ni Jillian.

“Halika na. Hindi ko rin alam kung anong nangyari. Ang mabuti pa ay pumunta na tayo sa ospital,” sagot naman ni Jane at hinawakan pa niya sa kamay si Jillian at saka niya ito hinila.

At dahil nga sa pagkabigla ay nagpatianod na lang si Jillian kay Jane at agad naman na silang pumunta sa ospital kung nasaan ang nanay ni Jillian.

Pagkarating naman nila sa ospital ay naabutan na nila Jillian ang kapatid ni Jane na si Jeffrey sa labas ng emergency room. Ito kasi ang sumama kanina sa pagdala sa ina ni Jillian na si Leony sa ospital.

“Jeffrey anong nangyari kay nanay?” agad na tanong ni Jillian kay Jeffrey ng makalapit na sila rito.

“Bibigyan ko lang sana ng ulam si nanay Leony pero naabutan ko na lang sya na nakahandusay sa sahig at walang malay. Kaya agad na akong humingi ng tulong para madala sya kaagad dito sa ospital,” sagot naman ni Jeffrey kay Jillian.

Isang malalim na buntong hininga naman ang pinakawalan ni Jillian at saka niya ipinikit ng mariin ang kanyang mga mata.

May sakit kasi sa puso ang kanyang ina at nasabi na rin nga ng doktor ng kanyang ina na kailangan na talaga nitong maoperahan sa lalong madaling panahon. Pero wala naman silang sapat na pera para maisagawa na ang operasyon ng kanyang ina. Aabutin pa nga raw ng kalahating milyon ang kailangan nila para maisagawa ang operasyon ng kanyang ina.

Kaya naman todo kayod nga si Jillian para kahit papaano ay makaipon na siya kaso ang sahod naman niya ay sapat lamang para sa kanilang mag ina lalo na at may mga gamot pa na kailangang inumin din ang kanyang ina araw araw. Kaya naman kaunti lang talaga ang naitatabi niya sa kanyang sahod.

Nag iisang anak lang kasi ni Leony Flores si Jillian Flores. Ang ama naman ni Jillian ay matagal ng namayapa kaya naman mag isa ng itinaguyod ni Leony si Jillian at pinilit niya na makapagtapos talaga ito ng pag aaral dahil gusto niya na magkaroon ang kanyang anak ng magandang buhay.

Nakapagtapos naman ng pag aaral si Jillian hanggang sa kolehiyo at ngayon nga ay nagtatrabaho ito sa Villanueva Empire bilang isa sa mga staff sa Finance Department.

Bukod nga sa maganda na si Jillian ay matalino rin talaga ito at madiskarte pa. Minsan kasi ay nagtitinda pa ito ng linuto nila ng kanyang ina na kakainin sa kanilang opisina at kahit papaano ay nadadagdagan ang kanilang kita na mag ina. Minsan naman ay nagtutor ito sa mga bata sa kanilang lugar kapag walang pasok sa opisina at dagdag kita na rin nga iyon para sa kanilang mag ina.

Sa trabaho naman sa opisina ay madalas naman na mapuri si Jillian dahil sa napakasipag nga nito at mabilis ding kumilos. Madalas rin nga itong mag overtime dahil iniisip niya na sayang din ang ilang oras na iyon at dagdag sahod din naman nya iyon.

Tahimik naman na naghihintay sa labas ng emergency room sila Jillian, Jane at Jeffrey. Tahimik lamang sila na nananalangin na sana ay nasa maayos na lagay ang ina ni Jillian. Ito na lang kasi ang meron ang dalaga kaya ayaw naman nila na may masama nga na mangyari sa ina nito.

Maya maya ay lumabas na sa emergency room ang isang doktor at agad naman nitong nakita si Jillian kaya naman dito na sya kaagad lumapit.

“Miss Jillian pwede ba kitang makausap?” tanong ng doktor.

“S-sige po dok. K-Kmusta po pala ang nanay ko? Ayos lang po ba sya?” agad naman na tanong ni Jillian sa doktor.

Huminga naman nga ng malalim ang doktor at saka niya sinenyasan si Jillian na sumunod sa kanya. Kaya naman agad na ring sumunod si Jillian dito kahit na medyo kinakabahan siya sa sasabihin nito. At naiwan na muna roon sa emergency room ang kaibigan nya at ang kapatid nito na si Jeffrey.

Agad naman na dumiretso ang doktor sa kanyang opisina at nakasunod lamang rito si Jillian.

“Miss nasabi ko naman na rin ito sa’yo nung nakaraan pa,” sabi ng doktor kay Jillian at saka ito umupo sa kanyang swivel chair.

Naupo rin naman si Jillian sa katapat na upuan ng doktor. Hindi nga siya nagsasalita at hinihintay nya lamang kung ano ang sasabibin ng doktor sa kanya.

“Kailangan na talaga na mapaoperahan sa puso ang iyong ina sa lalong madaling panahon. Ang dahilan din kasi kaya sya nawalan ng malay kanina ay dahil sa mild heart attack at mabuti na lamang talaga at may nakakita kaagad sa kanya at agad siyang nadala rito sa ospital,” seryoso pa na sabi ng doktor kay Jillian.

“D-dok pero ayos naman na po ba ang nanay ko ngayon?” tanong pa ni Jillian sa doktor.

Tumango tango naman ang doktor kay Jillian pero nanatili pa rin na seryoso ang mukha nito.

“Medyo ayos naman na ngayon ang lagay ng iyong ina at kailangan lang talaga nya na makapagpahinga. Pero kagaya nga ng sabi ko ay kailangan na natin sya mapaoperahan sa lalong madaling panahon. Hindi kasi natin alam kung kailan sya ulit aatakihin sa puso at sa lagay nya nga na yan ngayon ay hindi malabo na baka atakihin na naman sya at baka nga lalo pang lumala ang sakit niya,” seryoso pa na sagot ng doktor kay Jillian.

“Dok w-wala na po bang ibang paraan pa? Baka po pwedeng idaan na lang po muna sa gamot gamot?” tanong pa ni Jillian sa doktor. “Sa totoo lang po ay kulang na kulang pa po talaga ang pampa opera ng nanay ko. Nag iipon pa po talaga kami,” dagdag pa nya.

Napabuntong hininga naman ang doktor dahil sa naging sagot na iyon ni Jillian.

“Miss sa lagay ng iyong ina ngayon ay kailangan na talaga niyang maoperahan. Noon ko pa rin naman ito sinasabi sa inyo. Alam ko naman na medyo malaki laki talaga ang halaga na kakailanganin ninyo pero pwede nyo naman subukan na humingi ng tulong sa gobyerno para kahit papaano ay madagdagan nga ang pampaopera ng iyong ina,” sagot ng doktor. “Pasensya ka na talaga miss pero yun na lang talaga ang mabisang paraan para kahit papaano ay gumaling ang iyong ina. Sa ngayon din ay kailangan nating i-admit muna ang iyong ina para maobserbahan namin siya ng maayos” dagdag pa ng doktor.

Dahil sa sinabi na iyon ng doktor ay tanging pagtango na nga lamang talaga ang naging sagot ni Jillian sa doktor.