CHAPTER 232

CHAPTER 232

“Villanueva Empire,” basa ni Hazel sa nakasulat sa building na nasa harapan nila kung saan tumigil ang sasakyan ni Camille.

“Isa iyan sa mga kumpanya ng pamilya nila Harold at sa pagkakaalam ko ay si Harold ang namamahala r’yan. Kaya naman dito ko naisip na unang puntahan siya dahil baka nariyan siya ngayon,” sabi ni Camille at saka niya pinatay ang makina ng kanyang sasakyan.

Seryoso naman na tiningnan ni Hazel ang kanyang kaibigan.

“Camille, sigurado ka na ba talaga rito sa gagawin mong ito? Hindi naman sa tinututulan kita pero bakit ba ipinipilit mo pa rin ang sarili mo sa kanya gayong sinabi na niya sa’yo na ayaw niya sa’yo. Maganda ka Camille at panigurado na marami namang lalaki ang magkakagusto sa’yo. Kaya bakit kailangan mo pang ipagsiksikan ang sarili mo sa isang lalaki na wala naman nararamdaman para sa’yo,” seryoso pa na sabi ni Hazel sa kanyang kaibigan at talagang inulit niya itong itanong kay Camille.

Kahit naman kasi may pagkamaldita nga itong si Hazel ay gi