CHAPTER 249

CHAPTER 249

Pagkalabas ni Harold ay agad na muna siyang nagtext kay Rose na pwede na nga itong pumunta roon at saka siya dumiretso sa kusina upang kumuha nga ng kanilang makakain.

Sakto naman na pagpunta ni Harold sa kusina ay naroon nga ang ina ni Jillian.

“Nanay Leony, pwede ko po ba kayong makausap saglit. May gusto lang po sana akong sabihin,” sabi ni Harold sa ginang.

Agad naman na napatingin si Leony sa binata.

“Oo naman hijo. Ano ba iyang sasabihin mo sa akin?” sagot ni nanay Leony sa binata.

Napatikhim naman si Harold at saka siya lalong lumapit sa ginang.

“Nanay Leony, alam ko po kung gaano nyo po kamahal si Jillian at alam ko po kung gaano siya kahalaga sa inyo. At kagaya nyo po ay mahal na mahal ko rin po ang inyong anak. Siya lang po ang gusto kong makasama hanggang sa pagtanda ko at siya rin po ang gusto kong maging ina ng magiging anak ko,” sabi ni Harold at saka siya huminga ng malalim at ngumiti sa ginang.

Napakurap kurap naman si nanay Leony dahil sa sinabi na iyon n