CHAPTER 5

CHAPTER 5

“Hmm. Wala naman. Matagal tagal ka na kasi naming hindi nakakasama nila Bendict at Wilson na gumimik eh. Weekends naman bukas. Tara, sama ka naman sa amin ngayon,” sagot ni Miguel kay Harold.

Napatingin naman nga si Harold sa kanyang suot na relo at nakita nga niya na mag alas diyes na ng gabi kaya naman napabuntong hininga na lamang nga siya.

“Pwede ba na next time na lang. Pagod ako ngayon at gusto ko sanang magpahinga na lang muna,” sagot ni Harold.

“Tsk. Ang KJ mo naman bro. Matagal ka ng hindi lumalabas. Sige na. Sumama ka na sa amin. Ngayon na lang naman ulet eh. Hihindian mo pa ba naman kami ngayon?” pangungulit pa ni Miguel kay Harold. “Don’t worry bro ako ng bahala kay tito Louie. Actually andito na nga kami sa labas ng mansyon ninyo at ikaw na lang talaga ang hinihintay namin,” dagdag pa nya.

Nagulat naman nga si Harold sa sinabi ni Miguel at wala sa sarili na tumayo nga siya sa kanyang kinauupuan at saka sya sumilip sa bintana ng kanyang kwarto. 

Pagkasilip nga niya sa bintana ay agad nga niyang nakita si Miguel na kasama sila Benedict at Wilson na naghihintay sa labas ng kanilang mansyon. At nang mapansin nga siya ni Miguel doon ay nakita pa nya na kumaway nga ito kaya naman napapailing na lamang nga siya.

“Tsk. Mukhang wala na pala akong kawala sa inyo. At talagang sinundo nyo pa ako ha,” iiling iling pa na sabi ni Harold kay Miguel na nasa kabilang linya pa rin.

“Syempre naman. Akala mo ba hahayaan namin na makatakas ka ngayon? Tsk. Marami ka ng utang sa amin. Napakayaman mo pero napakakuripot mo pa rin sa amin na mga kaibigan mo. Maano ba naman na ilibre mo kami paminsan minsan kapag lalabas tayo, hindi ba? Hindi ka naman maghihirap nyan,” tatawa tawa pa na sagot ni Miguel kay Harold.

Hindi naman na pinatulan pa ni Harold ang pang aasar ni Miguel at nagpaalam na muna sya rito na maliligo na muna siya saglit bago nya pinutol ang kanilang tawag.

Saglit na saglit lang naman nga na naligo at nagbihis si Harold dahil kanina pa rin talaga sya nanlalagkit at ayaw naman nyang umalis ng hindi sya kumportable.

Pagkalabas ni Harold ng kanyang silid ay agad nga niyang nasalubong ang kanyang ina na papunta na rin sa silid ng mga ito.

“Aalis ka anak?” gulat pa na tanong ni Shirley kay Harold ng mapansin nga niya na nakabihis na nga ito.

“Ahm.. Yes mom. Lalabas po muna ako kasama sila Miguel,” sagot ni Harold sa kanyang ina.

Dahan dahan naman na tumango si Shirley sa kanyang anak dahil matagal tagal na rin nga niya itong hindi nakikita na lumabas kasama ang mga kaibigan nito.

“Himala ata at sasama ka sa kanila ngayon. Napansin ko kasi simula ng naging abala ka na sa kumpanya ay hindi ka na lumalabas kasama ang mga kaibigan mo,” sabi ni Shirley.

Napakamot naman nga sa kanyang ulo si Harold dahil totoo naman nga ang sinabi ng kanyang ina. Noon kasing wala pa siyang hawak na kumpanya ay wala na yatang araw na hindi sila gumigimik ng mga kaibigan nya at ngayon nga na may hawak na siyang kumpanya ay parang gusto na lang talaga niyang humilata pagkauwi niya.

“Oo nga po mom. Ayaw ko nga po sanang sumama sa kanila ngayon kaso po ang Miguel ay ayaw po akong patakasin at nandyan na po sila sa labas kanina pa,” tatawa tawa pa na sagot ni Harold sa kanyang ina.

“Mukhang wala ka ngang ligtas ngayon anak,” natatawa rin naman na sagot ni Shirley kay Harold. “O sya sige na. Lumakad na kayo. Mag iingat ha,” dagdag pa niya.

“Sige po mom. Pasabi na lang din po kay dad,” sagot naman ni Harold at saka nga siya humalik sa pisngi ng kanyang ina.

“Ako na ang bahala roon. Basta mag ingat ha. Ang mga babae ha dapat safe,” nakataas ang kilay na paalala pa ni Shirley.

Napakamot naman nga sa kanyang ulo si Harold dahil sa huling sinabi ng kanyang ina. Hindi naman sya nagtatable ng mga babae pero ang mga kasama nya ay hindi naman nagpapaawat sa pagkuha ng babae.

Hindi na rin nga nagtagal pa roon si Harold at lumabas na rin nga siya sa kanilang mansyon at agad na pinuntahan ang kanyang mga kaibigan na naghintay na lamang nga  sa kanya sa labas dahil ayaw pumasok sa loob ng kanilang mansyon.

“Woah. Ayaw daw sumama pero tingnan mo naman. Nakaporma pa,” biro ni Benedict kay Harold.

“Tsk. Sira ka. Galing akong opisina kaya ako naligo muna dahil kanina pa ako nanlalagkit,” sagot ni Harold at saka nga niya sinamaan ng tingin ang kanyang kaibigan.

“Oo na. Sige na. Basta ilibre mo kami ngayon ha,” nakangisi pa na sabat naman ni Wilson.

Napapailing na lamang nga talaga si Harold sa mga kaibigan nyang ito. Alam nya na wala talagang balak ang nga ito na tigilan sya kaya pagbibigyan na lang din niya ang nga ito ngayon.

Agad na rin nga silang sumakay sa kani kanilang mga kotse. Ang mga kaibigan kasi na ito ni Harold ay mga galing rin naman sa mayayamang pamilya. Yun nga lang ay hindi kagaya niya na may hawak na kaagad na kumpanya kaya hayahay pa nga ang mga ito at pagimik gimik lang.

Saglit lamang naman ang naging byahe nila papunta sa bar dahil hindi naman din sila natraffic. At ang bar nga na kanilang pinuntahan ay kilala na rin nga sila kaya agad na rin nga silang nakakuha ng table.