His Child?

Kinabukasan, nagpadala ng message si Calyx sa kanilang group chat na mag-prepare ang kaniyang mga secretary ng meryenda. At gusto ng binata ng truffle chocolate. Alas otso y medya ng makarating si Athena sa companya. Maitim ang ilalim ng mga mata ng dalaga.

Kumunot ang noo niya ng makita ang itsura ng opisins. Puno ‘yon ng mga bulaklak na kaybabango. Mayroon ding bouquet of Juliet ang mesa ni Athena. At alam niya kung sino ang may gawa niyon, walang iba kundi si Calyx.

“Aba, talagang iba ang karisma mo, Athena? Hanggang ngayon nanliligaw pa rin sa ‘yo si Sir Jakeson, ha? Akalain mo, may binigay siya sa ‘yong bouquet of flowers. Hindi lang basta bulalak. Iba talaga ang karisma mo, Athena,” pilyang tukso ni Mia kay Athena.

Biglang sumagi sa isip niya ang mga nangyari kagabi. Ayaw niyang malaman ni Calyx ang dahilan kung bakit hindi pa siya pumapasok sa panibagong relasyon. Hinawakan ni Athena ang bulaklak. Hindi na niya inabala ang sarili na basahin ang letter na nakaipit sa mga bulaklak.

Nakilala niya si Jakeson noong nakaraang taon ng samahan niya ang dati nilang boss sa isang dinner. At simula ‘non, naging pursigido na ito sa panliligaw sa kaniya. Love at first sight daw ang naramdaman ng binata sa kaniya.

“Mas maganda pang makatanggap ng pera kaysa bulaklak. Hindi naman na kasi ito mapapakinabangan. Praktikal na ngayon,” wika ni Athena.

Kaagad niyang itinago ang bulaklak sa ilalim ng mesa ng bumukas ang pinto ng opisina at pumasok si Calyx kasunod ang isang babae. Makikita sa awra at pananamit ng babae na galling ito sa mayamang pamilya. Kaagad na nagtungo si Athena sa tea room para magtimpla ng kape. Sumunod naman sa kaniya si Jean para tulungan siya. Siniko ng babae.

“Baka iyon na ang magiging asawa ni Sir Calyx. Ang ganda niya at hindi sila nagkakalayo dahil mayaman ang babae, base sa pananamit pa lang,” komento ni Jean. Nagkibit-balikat si Athena.

“Hindi natin alam, Jean. Alam mo kapag mga CEO, papalit-palit yan ng girlfriend,” naiiling na sabi Athena. Totoo nga ba o baka bitter lamang siya? Nang matapos, siya ang inutusan ni Jean na magdala niyon sa opisina ni Calyx dahil may gagawin raw ito. Naipaikot na lamang ni Athena ang kaniyang mga mata at tinungo ang opisina ni Calyx na bahagyang nakaawang.

“Sir, nandito na po iyong coffee ninyo at iyong meryenda!”

“Sige pasok ka, Athena,” kalmadong tugon ni Calyx. Pumasok na siya sa loob at ibinaba sa mesa ang dala. Napatingin siya sa babae na napakaganda pala kapag titigan. Ngumiti ito sa kaniya.

“Napakaganda ng mga sekretarya mo, Calyx. Magagaling pa sila,” puri ng babae. Tumayo ito at inilahad ang kamay sa kaniyang harapan.

“Hello, I’m Angelie. Nice to meet you. Ang you must be, Athena, right?”

Tumango si Athena at tinanggap ang pakikipagkamay ni Angelie. Yumuko siya ng bahagya at nagpaalam na lalabas.

Nang makaalis si Athena, nagpatuloy ang kuwentuhan nina Calyx at Angelie.

“Wala ka bang planong iwan na ang buhay mo sa Bulacan?” tanong ni Angelie. Umiling si Calyx.

“Hindi ko iiwan ang Bulacan. Nandito man ako, pupunta pa rin ako roon.”

Kinuha ni Calyx ang kape at uminom. Napaismid siya ng malasahan iyon. Napakapait! Sinadya ‘yon ni Athena! Pero hindi niya ‘yon ipinakita kay Angelie.

“Ang sarap ng timplang kape ni Athena, ha? Hindi lang maganda at matalino, magaling pa magtimpla. Maswerte ng mapapangasawa niya,” komento ni Angelie na muling sumimsim sa kape nito.

“Nga pala, may balak ata ang kuya mo na umuwi sa Bulacan. Baka may plano siya lalo at naroon ang isa sa mga negosyo ninyo.”

“Hindi na mauulit ang nangyari noon, Angelie. Hinding-hindi ako papayag na mapunta sa kaniya ang kompanya o ang pamahalahan ito,” seryusong sabi ni Calyx. Si Calyx ang tagapagmana ng Montecillo Empire. Maging si Athena ay hindi alam ‘yon.

Pero kahit siya ang tagapagmana, hindi siya ang nag-manage niyon. Sa tulong ni Angelie, nagtayo siya ng Financing Company. Ngayon ay nasa iba’t ibang panig ng mundo at apat na taon na ang kompanya. Ang Lyx Finance International.

Noong nasa edad anim siya, nagdala ang kaniyang ama ng anak nito sa labas. Dahil sa galit, dinala ang bata sa ibang lugar sa Bulacan. Lumaki si Calyx sa Bulacan kung saan niya nakilala si Athena.Kung saan nagsimula ang kanilang love story. Kaya noong ikasal sila, nagsikap siya para maibigay kay Athena ang buhay na masagana to the point na nabayaan na niya ito. Nagsisisi siya dahil doon.

Nanatili si Angelie ng isang oras at kalahati. Inihatid ni Calyx sa elevator ang babae. Nang bumalik siya, tinawag niya si Athena. Sumunod naman ang babae.

“Ano-ano mga appointment ko ngayon, Ms. Ruiz?”

Binasa ni Athena ang appointmet niya na nasa cellphone ng babae.

“May appointment kayo kay Mr. Andrew at 3pm. Dinner meeting kay Mr. Domingo ng 7pm at dinner meeting din kay Mr. Velasco.”

“Cancel my appointment at 7p and 9m. Arrange a dinner tonight on the sea,” utos ni Calyx. Nag-type si Athena sa cellphone nito.

“Okay po. Sino-sino po ba mga kasama niyo roon?”

“Ikaw ang kasama ko roon, Athena.”

Napatingin sa kaniya si Athena. Magkasalubong ang kilay ng babae. Napabuntong-hininga ito.

“Sir, hindi lang ako ang puwede niyong –i-invite. Nandiyan sina Jean at Mia. Hindi ba puwedeng sila naman? Eh kagabi, sinamahan na kita kahit nagka-aberya,” nakasimangot na sabi ni Athena.

“Kailangan ko bang ilagay sa noo ko ang salitang ‘Ako ang CEO’ bago mo sundin ang utos ko? At ikaw ang mag-utos sa ‘kin?” maawtoridad na tanong ni Calyx.

Tumango si Athena at ikinubli ang pagkapahiya sa mga sinabi ng binata dahil tama nga naman ang lalaki.

“Pasensiya na, Sir Montecillo. Sige pupunta ako mamaya. Magbibihis agad ako pag-uwi ko,” magalang na sabi ni Athena.

Alas kuwatro ng hapon ay umuwi na si Athena. Kailangan niya pa lang pumunta sa kindergarten dahil nagsabi ang kaniyang ina na hindi nito masusundo ang bata. Ginamit niya ang kaniyang electric car. Lingid sa kaalaman ni Athena, may nakasundo sa kaniya na Rolls Royce sa di kalayuan.

Samantala, ang driver ni Calyx na si Anton ay napailing-iling.

“Mukhang makaluma ang sekretarya mo, Calyx. Mga babae ngayon ay gusto ang mga latest na sasakyan. Mura lang ang kaniyang sasakyan at tiyak na kapag nabangga yan, mayuyupi agad.”

Nagsalubong ang kilay ni Calyx. Bakit mumurahin lang ang sasakyan neto eh bago sila nag-divorce, binigyan niya ng ari-arian at malaking pera ang dating asawa. Huminto ang sasakyan ni Athena sa pribadong kindergarten. Nagtaka si Calyx. Anong ginagawa roon ng dating asawa? Lalabas na sana siya pero natigil siya ng makita ang isang batang babae na lumabas at niyakap si Athena. Hinalikan ng bata sa pisngi ang babae.

Wait, anak ba nila ang batang babae?

Nakaramdam siya ng excitement. Nanginig ang kaniyang katawan at bumilis ang tibok ng kaniyang puso sa isiping baka anak nila ni Athena ang bata. Baka nabuntis niya ang asawa nang may mangyari sa kanila bago sila nag-divorce. Lumabas siya ng sasakyan at tinungo ang kinaroroonan ni Athena. Napatingin sa kaniya ang bata.

“Ang pogi ninyo, daddy!”

Dalawang beses iyon na sinabi ng bata. Natigilan si Athena at lumingon sa kaniya. Napaawang ang labi niya.

‘Anong ginagawa rito ni Calyx?” tanong ni Athena sa isip.

“Athena, bakit itinago mo sa ‘kin ang anak natin?”