She's Regretting Marrying Him

Ika-pito ‘yon ng gabi, dinala si Athena ni Calyx sa may private dock. Nag-renta ang binata ng isang mamahaling yate. Pinagmamasdan nilang dalawa ang dagat at ang bilog na buwan sa kalangitan. Nagtungo si Calyx sa likod ni Athena at inamoy ang buhok niya.

“Napakabango naman ng buhok mo, Athena. Na-miss kong amuyin ang iyong buhok,” sambit ni Calyx habang nakapikit ang mga mata.

Kaagad na nagtungo si Athena sa gilid at hinarap ang dating asawa. Ayun na naman ang malakas na tibok ng kaniyang puso kapag malapit ang lalaki sa kaniya.

“Iyong totoo, tayo lang bang dalawa rito, Calyx?” tanong ni Athena. Isiniksik niya ang sarili sa railings para hindi na makalapit sa kaniya si Calyx. Ngumiti ang binata at dahan-dahan na lumapit sa kaniya.

“Bakit ka ba nagmamadali, Athena? Puwede bang solohin muna natin itong lugar? Iyong tayong dalawa lang ang magkasama.”

Hindi na pinansin ni Athena si Calyx. Humarap siya sa dagat at sinamyo ang malamig na hangin. Ipinikit pa niya ang kaniyang mga mata para mas damang-dama niya ang lamig niyon. Natigilan siya ng maramdaman ang pagpulupot ng malaking braso sa kaniyang beywang. Ayun na naman ang mabilis na pagtibok ng puso ni Athena. Napapikit siya ng maramdaman ang hininga ng lalaki sa kaniyang punong-taenga.

“Natatandaan mob a ‘yong sinabi mo noong sa ‘kin, Athena? Na kapag may pera ka nang malaki, bibili ka ng yate? At magkasama tayong pupunta sa dagat? At ngayon, tinupad ko na ‘yon.”

Naikuyom ni Athena ang kamao. Kaya ba siya dinala ni Calyx roon ay para akitin siya at baka sakaling bumigay siya? Ginawa niya ang lahat para makaalis sa pagkakayakap ni Calyx sa kaniya. Hindi naman siya puwenersa ng binata. Hinayaan si Athalia na makaalis. Napatitig siya rito.

Matangkad si Calyx, malapad ang kaniyang balikat. Napakaganda rin ng hugis ng katawan nito na parang hinulma ang binata ng isang magaling na manlililok.

“Athena, nagsisi ka ba?”

May halong pang-iinsulto ang boses ni Calyx. Nagsisi? Bakit naman siya magsisisi? Ginawa lang ni Athena kung ano ang tama. Ginawa niya kung saan siya magkakaroon ng peace of mind.

“Nagsisisi ka ba na nag-divorced tayo? Kung hindi mo sana ‘yon ginawa, lahat ng ito ay mapapasayo.”

Ramdam ni Athena ang pang-iinsulto ni Calyx. Na para bang sinasabi nito n asana maginhawa ang buhay niya ngayon at hindi nagtratrabaho kung hindi niya hinawalayan ang lalaki.

“Oo, nagsisisi ako,” tugon ni Athena habang titig na titig sa mga mata ni Calyx. Tumaas ang isang kilay nito. Kita ang tuwa sa mukha ng lalaki dahil sa sagot niya. Ngumisi din siya at natawa ng bahagya.

“Nagsisisi ako na pinakasalan kita, Calyx. Dapat hindi ako pumirma ng marriage certificate dahil pakiramdam ko hindi ko binastos ko ang kasagraduhan ng kasal.”

Pinatatag ni Athena ang boses. Nilakipan ng pang-iinsulto ang kaniyang boses. Punong-puno iyon ng pagkamuhi. Naikuyom naman ni Calyx ang kamao at nanginig iyon. Kung nakakamatay lang ang tingin, parehas na silang bumulagta sa sahig.

“Athena, hanga ako sa tapang mo. Sana ganito ka katapang sa mga susunod na buwan na magkasama tayo.”

Talagang ginagalit si Calyx ni Athena. Hindi niya nagustuhan ang sinabi ng dating asawa. Hindi na niya nakayanan ang sitwasyon, tumalikod na siya para pumunta sa cabin niya, sakto naman na may dumating na dalawang lalaki na may kasamang dalawang babae.

“Mr. Montecillo, pasensiya ka na kung nahuli kami at pinaghintay ka.”

Tumango lamang si Calyx at pinatuloy ang dalawang lalaki sa isang luxurious cabin. Senenyasan niya si Athena na sumunod. Pagpasok nila sa loob, may nakalapag ng card game sa gitna ng isang malapad na mesa. Naupo silang tatlo.

Tinabihan ng dalawang babae ang dalawang lalaki at nagsimula na silang maglaro habang pinag-uusapan ang isang proyekto na nagkakahalaga ng hundred of million. Pinagkrus ni Calyx ang mga binti. Nilingon niya si Athena na nakaupo sa di-kalayuan.

“Athena, ipaghanda mo kami ng tsaa,” utos ni Calyx sa babae. Napakagat-labi naman si Athena dahil inutusan siya ng lalaki. Pero kailangan niyang sundin si Calyx dahil boss niya ito.

Pagkatapos siyang utusan na magtimpla ng kape, inutusan siyang kumuha ng wine, towel, meryenda at iba pa. Para siyang waitress ng mga sandaling ‘yon. Sumasakit na rin ang kaniyang paa dahil sa suot na heels. Akmang uupo na si Athena ng pigilan siya ni Calyx.

“Tumayo ka lang, Athena. Para kapag may iuutos ako, madali mo lang iyong magagawa,” wika ni Calyx habang ang mga mata ay nasa baraha.

Walang nagawa si Athena kundi sundin ang sinabi ng lalaki. Lumipas ang ilang minuto, nakakaramdam na siya ng pananakit ng binti. Nang walang nakatingin, bahagya siyang yumuko para imasahe ang kaniyang binti. Nang mag-angat si Athena ng tingin, nakatingin na pala sa kaniya si Calyx.

“Hindi na kita kailangan, Athena. Lumabas ka na muna,” utos ni Calyx na may pagkumpas pa ng kamay. Nakahinga ng maluwag si Athena. Nagmamadali siyang lumabas ng cabin. Nagtungo siya sa gilid kung saan may upuan roon. Naupo siya at tinanggal ang kaniyang heels. Napabuntong-hininga si Athena.

“Salamat at pinaalis niya ako. Manginginig ata ang mga binti ko dahil sa tagal ng pagkakatayo ko,” reklamo ni Athena habang nakanguso. Minasahe niya ang kaniyang paa pataas sa binti. Tingin niya nasa pasado alas-dose na. Hindi kasi suot ng babae ang kaniyang relo.

Si Calyx naman, matapos makipaglaro sa dalawang lalaki. Nagpaalam na rin ang mga ito. Tinawagan ng binata ang kaniyang driver para magpasundo. Iginala ni Calyx ang tingin para hanapin si Athena. Nakita niya ang babae na nakaupo’t nakasandal habang nakapikit ang mga mata. Nilapitan niya si Athena.

“Athena, gumising ka na diyan. Aalis na tayo,” malamig na turan ni Calyx.

Nagmulat naman ng mga mata si Athena. Tumayo na siya pero mabilis din napakapit sa upuan ng makaramdam siya ng hilo. Pagod na pagod na si Athena. Tatlong araw na niyang sinasamahan si Calyx sa mga lugar na gusto nitong puntahan. Bumaba na sila ng yate. Saktong naroon na ang driver ni Calyx.

“Pasok ka!” pagalit na sabi ni Calyx.

Hindi na ‘yon pinansin ni Athena dahil pagod na siya at wala na siyang lakas ng loob na makipagbangayan. Tahimik lamang sa loob ng sasakyan. Nagpasiya si Athena na ipikit ang mga mata. Nang marating ang kaniyang apartment, mahimbing pa rin ang tulog niya. Si Calyx naman ay sinenyasan ang driver na huwag magsasalita. Napatingin siya sa magandang mukha ng dalaga. Tinitigan niya ang maamo nitong mukha. Sa nakalipas na apat na taon, hinangad niyang makita at matitigan muli ang magandang mukha ng dating asawa.

“Napakaganda mo talaga, Athena. Pero ang laki ng ipinagbago mo,” saad ni Calyx. Iniangat niya ang mga kamay at hinaplos ang pisngi ni Athena gamit ang kaniyang hintuturo. Biglang nagmulat ng mga mata si Athena dahilan para magkatitigan sila. Bumalik sa ala-ala ni Calyx ang mga sinabi ng babae kanina. Inalis ang kaniyang kamay sa mukha ng dalaga at nag-iwas ng tingin.

“Nandito na tayo sa tapat ng apartment mo, bumaba ka na,” malamig na turan ni Calyx. Binuksan na ni Athena ang sasakyan at lumabas. Nakangiting lumingon siya sa dating asawa.

“Thank you, CEO Montecillo for taking me home. Sana mahimbing ang tulog mo ngayong gabi. Sana mapanaginipan mo ang mga masasamang espiritu para kunin ang buhay mo!”

Pabalyang isinara ni Athena ang pinto ng sasakyan. Halos tumunog ‘yon. Humingi ng pasensiya ang driver dahil sa nangyari. Sana pinagbuksan na lamang niya ng pinto ang dalaga. Napangisi si Calyx sa inasal ng dating asawa.

“Paki-check bukas ang pinto ng sasakyan, Manong Ginoo. Kapag may pinsala, sisingilin natin si Athena.”

“Naku, Sir. Paano kung hindi mabayaran ni Athena? Hindi birong halaga ang gagastusin kung sakali?” nag-aalalang tanong ni Gino.

“Mababayaran niya ‘yon. Mayaman ang dati niyang asawa. Magsabi lang siya at ibibigay ko,” nakangising sabi ni Calyx. Napatango na lamang ang driver at ipinagpatuloy ang pag-da-drive.