CHAPTER 2: Ayoko sa Sosyal

ALEXIA POINT OF VIEW

Pagpasok ko pa lang sa limousine, alam ko na agad hindi ako belong dito. Para akong nilagay sa setting ng teleseryeng hindi ko auditioned. Kumportable yung upuan, parang niyayakap ako ng marshmallow, tapos may wine glass sa gilid na may pa-sparkle effect pa. Akala ko sa movies lang meron nito.

Pero syempre, hindi ako nagpahalata. Chin-in ko ang mukha ko sa bintana habang sinasabi sa sarili. Alexia, cool ka lang. Wag kang magmukhang promdi.

Kaharap ko si Julian, tahimik, nakapikit na parang pinagsisisihan na agad ang lahat ng desisyon niya sa buhay. Hindi ko alam kung nainis siya kasi sinabihan ko siyang bossing sa Jollibee, o dahil sa spaghetti. Pero keri lang. Too late na para umatras siya.

“Wow,” bulong ko habang nilalapit ang mukha ko sa mini TV screen sa loob ng sasakyan. “Pwede palang manood dito ng N*****x habang nasa trapik?”

“Please don’t press anything,” sabi niya nang di dumidilat.

“Copy po, Ninong.”

Pagdating namin sa mansion, literal na bumuka ang bibig ko. Hindi figuratively ha literal. Parang gutom na bata na nakakita ng buffet. Ang gate pa lang, may fountain na mukhang gawa sa tears ng unicorn. Tapos ang driveway? Mas mahaba pa sa pila sa SSS.

Pagbaba ko ng kotse, hinawakan ko agad yung bakal ng gate. “Baka may kuryente ‘to. Baka sensor. Baka biglang mag-transform.”

“Miss Sarmiento, this way,” sabi ng isang butler na naka-tuxedo. Yung legit na mukhang Alfred sa Batman.

Pagpasok namin sa loob, ayun na. Na-scam na talaga ang pagkatao ko. Akala ko mansion lang, pero para akong pumasok sa museum. Crystal chandelier, marble floor, sobrang linis, parang kahit alikabok naiilang pumasok.

“Wow…” bulong ko. “Baka ‘pag nadulas ako dito, kailangan pa ng operation.”

Julian just walked ahead like it was nothing. Ako naman, parang batang bagong pasok sa SM.

“This is your new home,” sabi niya.

“Home? Para sa akin ‘to?” tanong ko, habang lumalapit sa isang golden vase. “Baka decoration lang ako dito ha. Baka sa guest room ako ilalagay, tapos ‘di puwedeng mag-ingay.”

“You’ll have your own room. With everything you need.”

Sumunod ako sa kanya paakyat. Grabe, pati hagdanan carpeted. ‘Di ka maririnig kahit dumiretso ka sa kwarto ng crush mo.

Pagdating namin sa third floor oo, third floor binuksan niya ang pinto ng isang malaking kwarto. Mas malaki pa ‘to sa buong boarding house ko. May queen-sized bed, vanity area, sariling sofa set, at isang walk-in closet na parang maliit na department store.

“Are you sure hindi ako ina-adopt para gawing exhibit?”

“This is your room, Alexia. I had it prepared.”

Tumakbo agad ako sa kama at tumalon. BOING! Ay wow. Parang ulap.

“Ang lambot!” sigaw ko. “Puwede akong tumira dito forever!”

Napangiti ako. Pero nang tumingin ako kay Julian, hindi siya natatawa. Instead, parang mas lalo siyang nanlumo.

“I’ll leave you to rest. Dinner is at seven.”

“May pa-schedule pa?”

He didn’t answer. Umalis na lang siya nang tahimik, parang may mabigat sa dibdib.

Pag-alis niya, agad akong nagsisiyasat. Binuksan ko ang closet punong-puno ng designer clothes. May tags pa. Prada, Gucci, Versace.

“Wala bang Bench o Penshoppe?” bulong ko. “Baka allergic ako sa mahal.”

Pagbukas ko ng CR, ayun na. PAK! Parang napasigaw ang kaluluwa ko. Lahat gold. Gold faucet, gold shower knobs, gold-framed mirror. At eto ang pinaka-pamatay GOLD TOILET.

“OH. MY. GOSH.” Tinakpan ko ang bibig ko. “Sino ang um-iihi sa ganito? Baka may alarm ‘to pag hindi maganda ang flush sound.”

Lumapit ako sa toilet, tapos kinuha ko ang phone ko. Selfie time. “Hi mga bes, welcome to my throne!”

Nag-video pa ako. “Day one: Ayoko sa sosyal. Pero pipilitin ko. Para sa future ko. At sa mga plants ko.”

Nang biglang may kumatok. “Alexia?”

“Ay, Ninong!” Napa-sit ako agad sa sahig, para hindi niya makita na nagvi-video ako sa harap ng toilet.

“Dinner is ready. Join me downstairs.”

“Copy po!”

Nang makaalis siya, tumayo ako agad. Tumitig ulit sa toilet. “Pangarap ko dati, makabili ng bagong tabo. Ngayon, golden toilet na ang kaibigan ko.”

Bumaba ako sa dining area, at naloka ako sa table setup. Parang pang-wedding reception. May candles, wine glasses, and twenty kinds of kutsara’t tinidor.

“Excuse me, Ninong, alin dito yung pang-rice?”

“Any will do.”

Umupo ako sa tapat niya, habang pinaglilingkuran kami ng mga staff na parang nasa five-star hotel. Akala ko may waiter lang, pero may chef, may taga-punas ng table, may tagatimpla ng tubig baka may tagapalakpak pa pag kumain ako.

“Masarap ang food, ha,” sabi ko habang sinasandok yung steak. “Pero puwede bang humingi ng ketchup?”

He paused. “Ketchup?”

“Yung banana ketchup po. Mas bagay sa lasa ko.”

Napailing siya. “I’ll ask the kitchen.”

Natawa ako. “Ninong, you look stressed. Regret mo na ba?”

“Regret what?”

“Yung pagkuha mo sa akin. Yung pagkupkop sa isang kagaya ko. Loud. Kalog. Mababaw.”

Tumingin siya sa akin, seryoso ang mukha. “You’re not mababaw. You’re… unpredictable.”

“Is that a compliment or a warning?”

“Let’s call it a challenge.”

Natigilan ako. Challenge daw. Grabe. ‘Di ko alam kung matutuwa ako o ma-ooffend. Pero isang bagay lang ang sigurado ko hindi siya sanay sa kagaya ko.

Pagkatapos ng dinner, hinatid niya ako sa kwarto.

“Tomorrow, you’ll be meeting my staff formally. There are rules in the house.”

“Rules?” Napasimangot ako. “Puwede bang rules ko muna? Rule number one: Bawal ang fake. Rule number two: Kailangan may kape araw-araw. Rule number three: Walang manghuhusga sa volume ng boses ko.”

Napahinto siya sa tapat ng pinto ko. “I’ll try.”

“Good.”

Pagpasok ko sa kwarto, humiga ako sa kama at tinitig ang kisame. Hindi ako makapaniwala. Galing ako sa kwarto na may tumutulong kisame at asong kahol nang kahol sa labas. Ngayon, may sarili na akong aircon na hindi ko kailangang sampalin para gumana.

Pero kahit gaano kaganda ang kwarto, hindi ko pa rin mapigilang mapaisip…

Anong gagawin ko sa lugar na ‘to kung lahat ng bagay dito ay sosyal, malamig, at walang makulit na chismosa sa tapat ng bahay?

Ayoko sa sosyal. Pero para kay Lola, para sa future ko, at para sa limang utang sa kanto lalaban ako.

Kahit may golden toilet.