KABANATA 2 (part 1)

KUNG titigan ang anak, kamukhang-kamukha ni Vash ang bata. Kid version ni Vash si Sean at nagtataka pa rin si Hyacinth kung bakit hindi pa rin nakikita ni Vash iyon. Paano niya nasasabing hindi niya anak si Sean, e, ilong, mata at labi pa lang ay kuhang-kuha niya ang hugis tulad n'ong kay Vash?

O sadyang nagbubulag-bulagan lang ito dahil hindi matanggap na nagalaw siya ng ibang lalaki?

Vash is a savage beast when he is hit by jealousy. Halos gusto na niyang mambugbog at mambale ng buto kahit na titigan lamang ng mga kalalakihan si Hyacinth. She missed that moment, iyong magdadabog pa si Vash dahil sa selos. Ngayon ay wala na itong pakialam sa kanya.

Hyacinth has a perfect body shape and smooth skin kaya kahit nanay na siya ay para pa rin siyang eighteen years old.

The most funny thing and worst for Hyacinth is that Megan is living with them. Yes, iyong malanding kabit na asawa niya ay nakikisabit sa mansyon ni Vash kasama ang bunga nila. Iyon ang kinabibiyak ng puso niya lalo na sa tuwing nakikita niya kung gaano ka-sweet si Vash kay Megan at kay Gaeun.

Nanliliit siya sa sarili niya at awa naman para sa anak niya. Kung sino pa ang mga original ay sila pa 'yung nanghihingi ng atensyon kay Vash.

Pagdating kasi kay Megan at kay Gaeun ay nagiging 'mabuting' asawa at ama siya. Pagdating naman kina Hyacinth ay nagiging 'kaaway' nila siya at pinaparamdam ni Vash sa kanila na hindi sila mahalaga.

But one thing Hyacinth is grateful for, Vash never laid his aggressive hand to their son. Itinutulak, oo, pero hindi ganun kalakas. Pero sampalin o tadyakin ang bata ay hindi niya ginagawa. Iyon naman ang pinapanalangin palagi ni Hyacinth.

"MOMMY, I heard from Tita Megan that my brother and daddy will go to the playground. I want to play with them," nakanguso sabi ni Sean kay Hyacinth at niyakap niya ito sa katawan, parang paraan na niya ito upang utusan ang ina na kumbinsihin ang ama na isama siya sa playground.

Tuluyan na namang bumagsak ang luha ni Hyacinth sa emosyon ng kanyang anak. Puno siya ng pagseselos sa kanyang kapatid sa ama.

Walang araw na hindi siya nagpapapansin sa daddy niya. Walang araw na hindi niya inaaya ang daddy niya kumain, maglaro at manood, ngunit lahat ng iyon ay tinatanggihan lang ni Vash.

Ganun ito kabrutal sa anak. Ganun nito pinaparamdam kung gaano niya ka-hate ang anak nila ni Hyacinth.

Vash never compliment him to his achievements. Nag-aaral na si Sean ng grade 1. Malapit na kasi itong mag-six years old this year. Simula pre-elem ay matalino na ang bata at mahilig ito sa mga engaging activities kaya marami siyang nakukuhang stars, A+, and other achievements.

Dahil sa napapanood ni Sean ay matured na rin ito mag-isip, like he already knows the cycle of the world and happenings inside of it.

Nagbuntong hininga na may halong sakit si Hyacinth nang maisip niya pa ang isang bagay na kinasasakit ng loob niya. Hindi nakaapilido si Sean kay Vash, nakaapilido lang ito kay Hyacinth. Ayaw kasi ni Vash na makuha ni Sean ang apilido nito, ngunit si Gaeun ay nakaapelido ang Ferrer sa kanya dahil siya lang ang tinuturing na anak ni Vash.

"Poor thing." Isang boses ang pumantig sa tainga ni Hyacinth at puno ito ng disgusto at panlalait.

Nandito na ang kabit. Nandito na ang traydor. Nandito na ang peke, ang plastik, ang ahas.

Nandito na ang impokritang si Megan na nakangisi at puno ng pang-aasar sa mukha.

Ito na naman siya...gagawa na naman siya ng away.

Tapos siya na naman ang mapapagalitan kay Vash.

"Hindi natutulog ang karma, Megan. Malalaman din ng asawa ko ang totoo." Tinaliman niya ang tingin niya sa babaeng todo ang ngiti at halatang walang saplot sa panloob nito dahil bakat na bakat ang dalawa nitong tuktok. Paraan niya ito upang akitin si Vash na ikanaiinis ni Hyacinth.

Itinayo na niya si Sean habang hinahaplos ang likod nito.

"Ahhh...I'm so scared..." hawak pa nito ang kanyang dibdib na para bang natatakot ito sa pananakot ni Hyacinth. Tumawa siya na kahit sino ay mapipikon.

Naiyukom ni Hyacinth ang kamao habang nakakasaksak na tingin ang pinupukol niya rito.

Hindi niya lang masaktan ang karibal niya dahil protektado siya ni Vash. She really wants to crash her ugly face. N'ong time na sinabunutan siya ni Hyacinth ay pinagbuhatan siya ng kamay ni Vash at binantaan na sa oras na saktan niya pa si Megan ay palalayasin siya ni Vash kasama si Sean.

Of course as a mother ayaw niyang mangyari iyon sa anak niya. Paano na lang sila kung mapapalayas sila? At saka goal niya na kunin ang loob ng asawa ulit at mapaniwala na inosente siya.

"Paalala ko lang, huh? Limang taon na kayong kasal ng baby ko. Actually nandito na nga ang annulment paper, pirma mo na lang ang kulang. After that he will marry me." Ngumisi ito ng nakakaloko.

Biglang bumiyak ng dalawa ang puso niya sa narinig.

'Maghihiwalay na ba kami? Pumirma na siya?' masakit na tanong niya sa isip. Nag-aalala siya sa kung ano ang mangyayari kapag binitawan na siya ni Vash.

No. No. She doesn't want that to happen. Si Vash ang naging mundo niya. Si Vash ang nagturo sa kanya kung paano magmahal. Hindi niya kaya na mawawala ito.

Walang karapatan ang isang kabit na magdesisyon sa hiwalayan nilang dalawa.

Mahal na mahal niya si Vash at hindi niya ito kayang iwan at ibigay sa kung sinong babae. Hindi niya kayang pirmahan ang annulment paper. Isa pa, paano na lang si Sean kung tatanda siya na walang ama? Aaminin niya ba sa anak sa tamang panahon na ayaw sa kanya ni Vash?

Gulong gulo siya.

Pinangako niya na hinding-hindi siya susuko kay Vash. Balang araw matatanggap niya rin si Sean bilang anak niya. Naniniwala siya sa pangako niyang 'yon.

"Oh, bakit ka umiiyak?" Humalakhak siya. "Nagseselos ka kasi mahal ako ni Vash? Poor you."

Nangatal ang palad ni at dumako ito sa pisngi niya. "Walang hiya ka! Hindi ko akalain na sisirain mo ang pagkakaibigan natin dahil sa isang lalaki! For fucking 10 years as a best friends, Megan. Para na kitang kapatid! Bakit mo nagawa sa akin ito?!" Masakit ngunit may halong galit na sigaw nito kay Megan. "Pati kay Caleb na ilang beses kang pinrotektahan, ginago mo! Napakasama mo!"

Natahimik si Megan at tumitig sa mga mata ni Hyacinth na puno ng pamamasa. Mukhang natamaan ang gaga. Totoo naman kasi, 10 years silang mag-best friend at nasira lang nang dumating si Vash. Hindi niya akalain na kayang agawin ng best friend niya ang asawa niya. Ganun na ba talaga ito ka-desperada sa lalaki? Ang daming pweding landiin, bakit asawa niya pa?

"Ang dami-daming lalaki...ang dami-dami! Bakit asawa ko pa kasi? Edi sana... Bago kami nagpakasal... Sana sinabi mo na gusto mo siya, 'di ba? Anong klasing isip ang meron ka? Megan, paano ka pa nakakatulog ng maayos?" Humihikbi na tanong ni Hyacinth.

Umiwas ng tingin si Megan. "Balato ko na lang 'yang sampal mo at hindi na kita isusumbong tutal naman mag-a-annul na kayo at wala na kaming kahati."

"Ang sama-sama mo!" Singhal pa ni Hyacinth.

"I don't care. Ay... oo nga pala, wala naman pala talaga kaming kahati kasi full attention niya ay nasa amin ng anak namin." Bumakas na naman ang nakakairitang ngisi ni Megan.

Lumalabas ang mga ugat ni Hyacinth sa buong katawan niya nang daanan lang siya ni Megan habang hinahampas ang buhok. Wala siyang magawa kundi humagulgol na lang.

'Ayoko...ayokong makipag-hiwalay sa asawa ko. He is my first love, first kiss at siya ang unang lalaking gumalaw sa akin. Please, babe. Please, don't break up with me.'

Gusto niyang kumapit sa isang matibay na bakal para hindi siyang mahulog na mag-isa. Ayaw niyang iwanan si Vash sa itaas, gusto niya pareho silang mahulog, pareho silang magkasama.

'He was mine first! I am his first, too! First kiss, first wife, first love at first woman he touched!'

Malaki ang karapatan niya, pero balewala lahat ng karapatan na 'yon kung mismong lalaki ang umaayaw sa kanya.