KABANATA 1 (part 2)

Kaagad na gumapang si Hyacinth papalapit ang anak niya upang yakapin siya ng mahigpit. Humagulgol ito sa kanyang dibdib habang hawak ang regalo para sa kanyang ama. Masakit ang loob niya sa ginawang paghawi nito sa effort ng anak.

"Tahan na, anak ko," may malambot na boses niyang pag-aalo sa anak habang hinahaplos ang ulo nito.

"Are you okay, mommy?" Alalang tanong ni Sean sa kanya at hinaplos ang kanyang mukha gamit ng kanyang maliit, mainit at malambot na kamay.

Nang dahil sa mga kamay ng anak ay medyo napawi ang bigat niya sa dibdib.

"Yes, anak. How about you? May masakit ba sa 'yo?" She examined her son, looking for a bruise or something that made him in pain. Dumako muli ang kanyang mata sa mukha ng anak nang umiling ito na para bang naiintindihan niya ang titig ng ina.

"I'm fine, mommy. I'm so sorry po. Kung hindi ko po nilapitan si Daddy hindi ka niya po sasaktan," tumatangis nitong paninisi sa sarili.

Umiling si Hyacinth ng ilang beses. Walang karapatan ang anak na sisihin ang sarili nito. Nais lamang nito ang mabuhay ng normal na mayroong parehong magulang, lalo na isang ama na malaya nitong tinatawag na 'daddy'.

"No, anak. Wala kang kasalanan. Wala ka namang ginawang mali at huwag mong pakinggan ang daddy mo, huh? Hindi ka pagkakamali. We love each other nang mabuo ka, so hindi ka pagkakamali, okay? Matatanggap ka rin ni Daddy."

Ipinatong ng anak ang kanyang pisngi sa dibdib. Mahal nila ang isa't isa n'ong ibinigay niya ang katawan sa asawa at ipinangako ni Vash sa kanya na kung mabubuntis siya ay magiging mabuti siyang ama. He will spoil his son with everything he wants. Ngunit ang pangakong iyon ay para lang isang bulang nawala dahil lamang sa maling impormasyon na kanyang nalaman.

Determinado ang hitsura ni Hyacinth habang nakatingin sa kawalan. Sinasabi nito sa sarili na hindi siya susuko kay Vash dahil siya lang ang bukod tanging minahal niya at kinabaliwan na lalaki. Anak ni Vash si Sean at walang kahit sinong lalaki ang gumalaw sa kanya. Iyon ang ipaglalaban niya hanggang dulo dahil karapatan ni Sean si Vash. Karapatan nitong maramdaman na mayroon siyang ama. Gagawin niya ang lahat upang hindi na maging hangin pa ang kanyang anak kay Vash.

At hindi rin siya titigil hangga't hindi niya napapatunayan na isa siyang inosente at malinis na babae.

Sa edad na labing-walo, ikinasal siya kay Vash upang matulungan siya nito na makuha ang mana. Limang taong kontrata ang nakasulat sa kanilang marriage contract at pagkatapos ng limang taon na 'yon ay pupwede na silang mag-annul at maging malaya na muli sa isa't isa.

Ngunit sa loob ng isang taon nilang magkasama sa iisang bahay bilang mag-asawa ay natutunan nilang pahalagahan at mahalin ang isa't isa. Ibinigay niya rito ang kanyang sarili na buong puso at ilang beses pa kaya't nabuo ang kanilang anak na si Sean.

Walang makakatumbas pa sa saya niya noon nang malaman niyang buntis na siya. Alam niya na isa iyon sa mga pangarap ni Vash kaya't galak siya noon na ipaalam sa asawa.

Ngunit sa hindi inaasahang pangyayari ay nasira lahat ng kanilang pagsasamahan at pagmamahalan nang mayroong nag-set up sa kanya kasama ang matalik na kaibigan na si Caleb.

Mayroong nag-aya sa kanya na mag-inuman sa isang sikat na bar na paboritong pinupuntahan ni Vash kasama ang mga barkada nito. Kasama niya si Megan, ang kanyang sampong taong best friend, at si Caleb. Magkakasama na silang tatlo mula high school. Naroroon din si Vash n'ong mga oras na 'yon ngunit naroroon siya sa VIP room.

Hindi alam ni Hyacinth na mayroong binabalak si Megan. Nilagyan niya ng pampatulog ang mga alak nilang dalawa ni Caleb at nawalan sila ng malay. Tumawag ng tulong si Megan sa kanyang kasabwat na si Harold at idinala ito sa motel na katabi lamang ng bar.

Nagkaroon ng mapanlarong plano si Megan at hinubaran si Caleb at Hyacinth bago niya ito kinuhanan ng mga litrato upang ipakita iyon kay Vash.

Nang mapagtagumpayan ni Megan iyon ay kaagad na niyang ipinakita kay Vash ang mga pictures. Ang litrato na magkasama sa iisang kama na kasama niya si Caleb at parehong walang saplot.

Natagpuan nila ang kanilang sarili sa iisang kwarto nang mag-umaga na at parehong nagulat sa nangyari. Alam naman nila sa sarili nila na walang nangyari sa kanilang dalawa at iisang lalaki lang ang tanging nakakahawak sa kanyang katawan.

Impokrita kasi ang kanyang dating matalik na kaibigan at basta-basta na lamang niya itong itinapon ang matagal nilang samahan dahil lang sa kalandian nito at para makuha ang asawa niya.

Nang malaman ni Vash ang tungkol sa set up na 'yon at tinadtad niya ng bugbog si Caleb na halos ma-coma na ito sa sobrang pambubugbog. Laking pasasalamat na lamang niya ay pinigilan siya ng kanyang mga barkada.

Nang dahil nagkaroon na sila ng problemang mag-asawa ay doon naman nanghimasok si Megan. Iyon pala ay intensyon niyang akitin at landiin si Vash na naging dahilan upang mabuo si Gaeun Yul.

Nanganak na si Hyacinth noon at mag-iisang taon na si Sean nang mabuntis si Megan.

Nang aminin ni Hyacinth noon na buntis siya kay Vash ay galit lamang ang nakuha niyang tugon sa asawa at sinasabi na hindi siya ang ama, kung hindi si Caleb. Mas pinaniwalaan ni Vash ang ipinakitang proweba ni Megan at nakatatak na sa kanyang isip na lalaki ni Hyacinth si Caleb.

Kung titigan ang anak, kamukhang-kamukha ni Vash ang bata. Kid version ni Vash si Sean at nagtataka pa rin si Hyacinth kung bakit hindi pa rin nakikita ni Vash iyon. Paano niya nasasabing hindi niya anak si Sean, e, ilong, mata at labi pa lang ay kuhang-kuha niya ang hugis tulad n'ong kay Vash?

O sadyang nagbubulag-bulagan lang ito dahil hindi matanggap na nagalaw siya ng ibang lalaki?

Vash is a savage beast when he is hit by jealousy. Halos gusto na niyang mambugbog at mambale ng buto kahit na titigan lamang ng mga kalalakihan si Hyacinth. She missed that moment, iyong magdadabog pa si Vash dahil sa selos. Ngayon ay wala na itong pakialam sa kanya.

Hyacinth has a perfect body shape and smooth skin kaya kahit nanay na siya ay para pa rin siyang eighteen years old.

The most funny thing and worst for Hyacinth is that Megan is living with them. Yes, iyong malanding kabit na asawa niya ay nakikisabit sa mansyon ni Vash kasama ang bunga nila. Iyon ang kinabibiyak ng puso niya lalo na sa tuwing nakikita niya kung gaano ka-sweet si Vash kay Megan at kay Gaeun.

Nanliliit siya sa sarili niya at awa naman para sa anak niya. Kung sino pa ang mga original ay sila pa 'yung nanghihingi ng atensyon kay Vash.

Pagdating kasi kay Megan at kay Gaeun ay nagiging 'mabuting' asawa at ama siya. Pagdating naman kina Hyacinth ay nagiging 'kaaway' nila siya at pinaparamdam ni Vash sa kanila na hindi sila mahalaga.

But one thing Hyacinth is grateful for; Vash never laid his aggressive hand to their son. Itinutulak, oo, pero hindi ganun kalakas. Pero sampalin o tadyakin ang bata ay hindi niya ginagawa. Iyon naman ang pinapanalangin palagi ni Hyacinth.