CHAPTER 3

ILANG beses nang kinuskos ni Margaux ang kanyang mga labi, baka sakaling mabura sa mga alaala niya ang maiinit na mga labing iyon niya Rico na nakapaghatid sa kanya ng kakaibang pakiramdam na tila baga nanuot na sa kanyang kalamnan at hirap na hirap siyang iwaksi iyon sa kanyang sistema. 

“Self-centered talaga ha? Hindi mo ko kilala para husgahan ang pagkatao ko,” gigil na gigil siya and yet bakit parang bago sa pakiramdam niya ang mga labing iyon ni Rico?

Oo, marami na siyang naging boyfriends, ngunit sa dalawang tao lang siya nagpahalik. Kay Marco at duon sa first boyfriend niya. Tiniyak rin niyang hanggang labi lang siya matitikman ng dalawang iyon. Iningatan niya ang kanyang sarili, naglagay siya ng wall sa pagitan ng mga binoboyfriend niya sa takot na matulad siya sa kanyang ina na naging buwang sa pag ibig. Alam niyang sa paningin ng marami, hindi na siya virgin. Iba kasi ang persona na ipinapakita niya. Mabuti nang makilala siya ng mga ito na matapang. Kapag naging mahina siya gaya ng mommy niya, pagsasamantalahan lamang siya. Ilang beses na ba niyang nakita na umiiyak ang mommy niya ng dahil sa pag-ibig? Sobra sobra kasi ito kung magmahal. Walang itinitira para sa sarili. Kahit nagmumukha ng tanga. Kahit mapabayaan pa ang sarili. Kaya ayun, palaging napagsasamantalahan. Palaging iniiwan.  Naalala niya nuong hindi na sinasagot ng daddy niya ang mga tawag nito. Nakita niya kung paanong umiyak ang mommy niya. Halos hindi na nga bumangon sa higaan. Pati paliligo kinatamaran na. Then one time, hinila ito sa banyo ng lola niya para magising sa katotohanan. After niyon, nagpasya nang ituloy ng mommy niya ang pagtratrabaho sa Japan. One year pa lang ito nang mabalitaan niyang may bago na itong jowa, filipino rin, bokalista sa banda. Pero gaya ng daddy niya, pamilyado rin ito kaya di naman nagtagal ang relasyon nito sa lalaking iyon.

Then nang umuwi ang mommy niya galing Japan, may bitbit itong hapon. Pagmamalaki pa ng mommy niya, ito na raw ang end game nito. Nakita niya kung gaano kasaya ang mommy niya sa hapon na iyon. Akala rin niya, natagpuan na ng mommy niya ang forever. Pero wala yata talagang happy ending ang love story ng mommy niya. After one year ay naging iba na ang pakikitungo ng hapon sa mommy niya. Hanggang mabalitaan na lang nito na may nililigawang manikurista at batang batang tsiks ang hapon na iyon. Sinugod pa nga ng mommy niya ang manikurista pero hindi rin napahinuhod ng mommy niya ang hapong boyfriend nito. Bumalik ito sa Japan, kasama ng manikurista. At naiwan na namang broken hearted ang mommy niya. Pero wala nga yatang kadala dala ang mommy niya. Nang bumalik ito sa Japan, may nakilala na naman. This time ay amerikano. Pagmamalaki pa nito sa kanya, naglevel up na raw ito. Nangako pa raw ang lalaki sa kanya na papakasalan ito at dadalhin sa Amerika. Pero gaya ng mga nauna nitong nakarelasyon, magaling lang sa umpisa. Nang tumagal ay nagsawa rin ang kano sa mommy niya. 

Sobra ang depression ng mommy niya sa kanong iyon. Sa lahat raw kasi ng nakarelasyon nito, dito ito umasa ng todo lalo pa at nagpropose na ang lalaking iyon sa mommy niya. Kaya nga kahit siya, umasa rin na sa wakas, magiging ganap nang maligaya ang mommy niya. Nakita meet pa nga niya ito dahil isinama ito ng mommy niya sa Pilipinas para mamanhikan sa kanila ng lola niya. 

Pero nadiskubre ng mommy niya na hindi lang pala ito ang pinangakuan ng kasal. Gagamitin lang pala nito ang mommy niyang drug mule. Parang pinagbagsakan ng langit ang mommy niya. Kasama ng lola niya, isinuplong nito ang amerikano sa authority. Naipakulong ito ng mommy niya. Ngunit kasama niyon ang unti-unting pagkamatay ng puso ng mommy niya. After ng insidenteng iyon ay hindi na niya ito pinayagang bumalik sa Japan. Mabuti naman at nakinig ito sa kanya. Pero hindi maipagsisinungaling ang lungkot sa mga mata nito. Alam niyang sinisisi nito ng husto ang sarili sa mga nangyaring kabiguan sa buhay nito. Palagi pa nga nitong sinasabi sa kanya na, 'I'm sorry anak sa lahat ng kahihiyang binibigay ko saiyo. I'm sorry kung hindi ako pumili ng maayos na magiging tatay mo. I'm sorry kung paulit-ulit kitang binibigo."

"Mommy, ano ba, huwag mo na pong paulit ulit sisihin ang sarili mo. Nagmahal ka lang naman po."

"Sa maling lalaki kaya heto, bastardo ka," malungkot na sabi ng ina, "Kaya huwag kang gumaya sa akin. Maging matalino ka pagdating sa pag ibig."

"Ma, hinding hindi ko gagamitin ang puso ko. At hinding hindi ako magpapakabaliw sa mga lalaki. There is more to life than that." Paniniyak pa niya sa ina.

Muli ay naalala niya si Rico, ang mayabang na si Rico Villamor. Hah, ano bang tingin nito sa sarili? Masyadong ma-ere. Akala mo naman ay napaka perfect!  

“DAMN” sabi ni Rico sa sarili habang nakatingin sa salamin. Naalala niya ang ginawang paghalik sa kanya ni Margaux. 

Ngunit maya maya ay napangisi siya. Hindi naman niya maipagkakaila na nasarapan siya sa halik na iyon ng dalaga. But what do you expect? Ilang lalaki na ba ang nahalikan nito kaya siguro expert na. 

Dumilim ang kanyang mukha. Napapailing siya at pilit na lamang iwinaksi sa kanyang isipan ang babaeng iyon.

She’s just a waste of time!

Lumabas na siya ng kanyang kuwarto. Umagang umaga ay narinig na naman niya ang kanyang mga magulang na nagtatalo tungkol sa kanyang nakakatandang kapatid.

MAAGANG gumising si Margaux ng araw na iyon dahil birthday niya. Magsisimba sila ng mommy at lola niya bago siya pumasok sa school.

Nagulat siya ng paglabas niya ng kusina ay makita ang cake sa mesa, may sindi iyong kandila. “Happy 18th birthday, anak,” nakangiting bati ng mommy niya, iniabot nito ang bagong tahing bestida nito para sa kanya, “Yan ang susuotin mo ngayon.” 

Pero hindi pa pala iyon ang sorpresa ng mga ito. Mula sa kwarto ng mommy niya ay lumabas si Bernadette, “Happy birthday bestfriend. Talagang inagahan ko ang gising para lang isa ako sa unang gi greet saiyo,” niyakap siya nito nang mahigpit at iniabot ang maliit na regalong binalot sa dyaryo, “Pasensya na, ito lang ang nakayanan ko.”

“Thank you,” maluha luhang sabi niya dito, binuksan niya ang regalo nito. Isang second-hand book ng favorite niyang author, “Wow, tagal ko nang hinahanap ito. Thank you talaga.”

“Siya, hipan mo na ang candle and make a wish para makapag simba na tayo,” anang lola niya.

Pumikit siya at nag wish. For eleven years, iisa naman ang wini wish nya kada birthday niya. Iyong maalala siya ng daddy niya at mabalik sa dati ang relasyon nila. Kahit masama ang loob niya dito, deep inside ay nanduon pa rin ang pangungulila niya sa ama.

“Happy birthday Margaux,” narinig niyang sabi ng ibon niyang si Roxanne.

“Thank you Roxanne.”

Inulit ni Roxanne ang sinabi, “Happy Birthday Margaux.”