CHAPTER 2

"PARE, ANG SWERTE mo naman," tinapik ni Jhong si Rico, "Biruin mo, halos lahat pinapangarap na matikman ang matamis na labi ni Margaux, pagkatapos ikaw, libre lang na. . ."

Madilim ang mukhang nilingon ni Rico ang kaibigan, "Hindi ka nakakatawa," matabang na sabi niya rito saka parang nandidiring pinunasan niya ng panyo ang mga labi niyang hinalikan ni Margaux.  But infairness, ayaw man niyang aminin ay tinalaban siya sa halik na iyon ng dalaga.  Kaya mas lalo lamang nadagdagan ang inis na nararamdaman niya para dito.  Huh, what the hell was she thinking?  Na lahat ng lalaki ay makukuha sa alindog nito?  Sino ba ito sa akala nito?

"Pare, huwag mong sabihing hindi mo type si Margaux? Come on, bakla lang ang lalaking hindi magkakagusto sa kanya," tudyo naman ni Baste, isa sa pinakamatalik niyang kaibigan.

May pait sa mga labing napangisi siya, "Bahala na kayo kung anong gusto nyong isipin sakin," matabang na sabi niya sa mga kaibigan, bahagya pa siyang napaismid.  "Pero hindi ganuong klase ng babae ang magugustuhan ko.  May taste naman ako at hindi lang physical na anyo ang tinitingnan ko."

Napakayabang, masyadong narcissist.  Gustong-gusto na lahat ng atensyon ay nasa kanya.  Kawawa ang mga lalaking nagdadaan sa buhay nito.  Pero bakit nga ba niya pinag-aaksayahan ng oras ang babaeng iyon?  "Honey, what happened?  Nag-message sa akin si Baste.  Pini-flirt ka raw ni Margaux?" Humahangos patungo sa kanya si Carly.

Si Carly ay apo ng kaibigang matalik  ng Mama niya.  Hindi niya ito girlfriend ngunit kung umasta ito ay daig pa ang magkarelasyon sila.  Hindi naman lingid sa kanya na matagal nang may gusto sa kanya si Carly.  Pero sa ngayon ay mas gusto na muna niyang tutukan ang kanyang pag-aaral lalo pa at graduating na siya.  Mataas ang expectation sa kanya ng Papa niya lalo pa at na-disappoint ito sa Kuya Marlo niya na sa halip na asikasuhin ang pag-aaral ay nalululong sa bisyo at babae.  Ipinadala ito sa Amerika ng parents niya para duon magparehab.  Ngunit palagi na ay bumabalik pa rin ito sa dating bisyo.  Kaya nga galit na galit ang Mama niya sa girlfriend nito.  Ito raw ang bad influence sa Kuya Marlo niya.  Ito rin daw ang nagturo ng bisyo dito.  

"Kaya ikaw, Rico, kailangang approve sa amin ang magiging girlfriend mo, or else, itatakwil kita," paulit-ulit iyong sinasabi ng Mama niya at tumatak na yata iyon sa kanyang subconsicious kaya hinding-hindi na niya iyon makakalimutan lalo pa at nangako siya sa mga magulang na hinding hindi niya bibiguin ang mga ito.  

Bata pa lang ay palagi na siyang with honors.  Ngayong college ay hindi siya nawawala sa dean's list.  Gusto niyang mag-exceed sa expectation ng kanyang parents.  Makabawi man lang sa mga disappointments na ibinibigay ng Kuya Marlo niya sa mga ito.

"Honey?" Nakatingin sa kanya si Carly, bakas sa mukha ang pag-aalala.  Huminga lang siya ng malalim at naupo na parang walang nangyari.  Ayaw na niyang palakihin pa ni Carly ang issue.  Kilala niya ito, tiyak na hindi nito tatantanan si Margaux.  Kung palaban si Margaux ay ganuon din si Carly.  Ayaw niyang mag-away pa ang mga ito lalo na kung siya ang magiging dahilan.

"Nothing." sagot na lamang niya dito.  Hinahayaan na lamang niyang tawagin siya ni Carly ng 'honey' paminsan-minsan.  Habang lumalaon nga ay nakakasanayan na niya ang pagtawag nito sa kanya ng 'honey'.  Anyway, wala namang magagalit dahil wala naman siyang girlfriend.

Pero parang purisigido si Carly na malaman kung ano nga ba talaga ang nangyari, isa-isa nitong tiningnan ang mga kaibigan niya, "What happened?"

Si Jhong na numero uno sa pagiging tsismoso ay iniabot dito ang nakunan nitong video.  Yamot na sinita niya si Jhong pero hindi pa rin nagpatinag.  Na para bang aliw na aliw makakita palagi ng tension.

"Oh my God!" Eksaheradang tili ni Carly, "N-ninakawan ka ng halik ng malanding babaeng iyon? Pati ikaw, gustong iflirt?" Gigil na gigil ito, naningkit pa ang mga mata, "May paglalagyan sa akin ang babaeng iyon." tila nagbabanta pang sabi nito sa mahinang boses.

"Stop it, Carly!" Saway niya dito, "Pwede ba!" singhal niya.  Natahimik si Carly ngunit pakiramdam niya ay may binabalak itong hindi maganda kay Margaux kaya binalaan na niya ito.

"Don't stoop to her level, Carly.  Kapag nabalitaan kong pinatulan mo ang babaeng iyon, ako ang magagalit saiyo.  Alam ko namang hindi ka kagaya nya kaya pwede ba?" Pinandilatan niya ito ng mga mata.

Napangisi si Carly, "Yeah, you are right.  Hindi ako cheap na kagaya nya," humilig ito sa balikat niya, "Basta honey, promise me, hinding-hindi ka na magpapahalik sa kanya."

"Hindi ako nagpahalik sa kanya!" Pagtatama niya sa sinabi ni Carly.  Isang lihim na ngiti ang sumilay sa mga labi ng dalaga.

"Yeah, alam ko namang hindi ka papatol sa ganuong mga babae na kung sinu-sino na siguro ang. . ."hindi na nito itinuloy pa ang sasabihin.  "She's so cheap.  Lahat ng lalaking nanliligaw sa kanya, pinapatulan.  I wonder kung ilang lalaki na ang. . ."

"Let's not talk about her, please?" Pakiusap ni Rico kay Carly.

“MOMMY, anong gagawin mo kung biglang sumulpot dito si Daddy?” Bigla ay naisip niyang itanong sa ins habang kumakain sila ng almusal.

Ang Lola Belen niya ang sumagot sa tanong niya, “Naku, ano pa nga bang gagawin ng Mommy mo eh di magpapabola na naman at mabilis pa sa alas kuwatrong patatawarin ang daddy mo. Baka nga masundan ka pa bigla.” sabi nitong hindi maintindihan kung matatawa o maiinis.

“Nay,” reklamo ng mommy niya dito saka kunot-noong tumingin sa kanya, “Bakit mo naman biglang naisip yan?”

Nagkibit-balikat siya.

Humaba ang nguso ng Mommy niya, “Kinalimutan na tayo ng ama mo.”

Hindi siya umimik. Ayaw na nga rin sana niya itong isipin ngunit may mga sandaling naiisip pa rin niya ito gaya ngayon.

“Anak. . .” ginagap ng mommy niya ang isang kamay niya, “Tanggapin na lang natin ang katotohanang hindi na tayo parte ng buhay niya.”

“Matagal ko na pong tinanggap ang katotohanang iyon, mommy.” at totoo naman iyon. Tinanggap na niya nuon pa man na hindi na siya parte ng buhay ng ama bagama’t paminsan minsan ay umaasa pa rin siyang isang araw, muling maalala ng daddy niya ang mga happy memories sa piling nila ng mommy niya.