Chapter 16 Ang  Bisita ni Liam

MARARAHAS na buntunghininga ang pinawalan ni Yvette habang nakatingin sa monitor ng PC. Ngunit, wala sa mga nakasulat doon ang kanyang atensyon kundi nasa repleksyon na nakikita niya sa screen ng computer.

Ang babae kasing bisita ni Liam ay nakakairitang tumawa. Sobrang arte. Hindi iyon humahagalpak na nagsasaad ng labis na kasiyahan kundi pigil na pigil ang pagtawa na para bang sinapian ng dwende. Kahit tuloy hindi niya ito lingunin ay tinatapunan niya ito ng matalim na tingin.

"Pasalamat ka at nakakain na ako," inis niyang sabi dahil kung hindi pa siguradong nagpapabalik-balik na ito sa cr ngayon. Malakas kasi siyang maka-usog palibhasa minsan na siyang nausog kaya may kakayahan na rin siyang makausog.

Dahil nga sa lumaki siya sa Yaya, marami siyang nakuhang kuwento rito tungkol sa kung anu-anong mga kababalaghan at pinaniwalaan niya iyon. Mahal siya nito kaya alam niyang hindi siya nito lolokohin. Saka, sabi rin ng Mama niya, sa ating mundo ay mayroon talagang nilalang na mapagl