"HINDI mo na kailangang dalhin ang mga luma mong damit. Kahit 1 milyong damit na signature clothes kaya kitang bilhan," wika ni William Arguelles III, pasuplado. "Yabang," wika niya. Ibig niya kasing mamayani ang inis na nararamdaman niya rito dahil kung hindi'y baka humanga siya ng todo rito. Naalala niya tuloy na nu'ng una niya itong makita ay para siyang nabatubalani. Kahit nakainom siya ay guwapung-guwapo ang tingin niya rito eh di lalo ngayon na malinaw ang kanyang mata at isipan. Kahit nga rugged ang outfit nito ngayon ay malakas pa rin ang dating. Shucks, hindi niya napigilang ibulalas sa sarili. Mabuti na nga lang ay hindi iyon lumabas sa kanyang bibig. Kung nagkataon kasi ay siguradong mabubuking nito ang kanyang nararamdaman. Sa pagsulyap kasi niya kay William Arguelles III ay parang bumabalik sa isipan niya ang mga namagitan sa kanila. Hindi tuloy niya napigilan ang mapalunok. Sa isipan niya kasi ay parang natatakam na naman siyang tikman ang mainit nitong katawan na t
"HUWAG mong isipin na nakalimutan ko na ang ex ko dahil lang tumugon ako sa halik mo," wika ni Yvette kay Liam. Buong diin pa niyang sinabi ang mga salitang iyon dahil ayaw niyang isipin ng kanyang 'asawa' na may damdamin siya rito. Wala nga ba? Tanong niya sa sarili. Gusto niyang magsabi ng 'wala talaga' pero hindi niya iyon nagawang ibulalas dahil hanggang ngayon ay kumakabog pa rin ang kanyang dibdib. Wala siyang tugon na narinig kay Liam na abala sa pagmamaneho kaya napilitan siyang lingunin ito. Kahit nga nakatutok ang atensyon nito sa daan ay hindi nito magawang itago ang pilyong ngiti sa labi. Hindi tuloy niya alam kung narinig nga ba nito ang kanyang sinabi. Dahil doon, nag-init na naman ang kanyang pakiramdam at wala siyang ibang dapat sisihin kundi ang kanyang sarili. "Masarap ka lang kasing humalik kaya…" Hindi na niya nagawang ituloy ang kanyang sasabihin dahil agad rumehistro sa kanyang isipan ang kanyang sinabi. Malutong na halakhak kasi ang pinawalan ni Liam. "Shut
FLIRT, inis na inis na sabi ni Yvette habang nakatapat siya sa shower. Obyus na obyus naman kasing gusto lang ni Liam na may mangyari sa kanila. Kunsabagay, hindi naman masama kung may mangyayari sa kanila. Mag-asawa sila. Nang mga oras na iyon ay parang gusto niyang pagtawanan ang kanyang sarili na ang dali niyang maniwala na kasal nga sila. Paano kung peke iyon?Ipinilig niya ang kanyang ulo. Para kasing may nagsasabi sa kanya na hindi ang tulad ni William Arguelles III ang gagawa ng peke. Ang taong tulad nito ay sinisigurong legit ang lahat para may habol. Isa itong negosyante kaya malas dito ang pagsisinungaling. Sa kaisipang iyon ay bahagya siyang natawa. Naalala na naman kasi niya ang kanyang dating yaya. Marami kasi itong pinaniniwalaan na pamahiin kaya maging siya ay naniniwala na rin. Ang pag-iisip niya ay nabulabog dahil sa sunod-sunod na katok. "Hindi pa ako tapos," wika niya. Pasigaw ang pagkakasabi niya noon dahil gusto niyang makarating iyon agad sa pandinig ni Liam
MALAKI man ang kama, pakiramdam ni Yvette na masikip pa rin iyon kaya hindi siya makagalaw. Hindi pala iyon ang tamang salita. Mas akma kasi kung sasabihin niyang ayaw niyang gumalaw. Pakiwari niya kasi'y makukuryente siya kapag nagdikit ang mga balat nila ni Liam. Shucks, bulalas na naman niya ng parang tuksong pumasok sa isip niya ang maiinit na eksenang pinagsaluhan nila ng lalaki. Kung susundin lang talaga niya ang sinasabi ng kanyang katawan, yayakap na talaga siya rito pero mas nananaig ang kanyang pride. Hindi niya ito dapat magustuhan! Hindi dahil sa ito talaga ang pinili ng kanyang ama para pakasalan niya kundi dahil sa simula pa lang ay alam niyang niloloko lang siya nito. Nakakasiguro siyang pinakasalan lang siya nito dahil ibig nitong mailayo siya sa ama nito at mangyayari lang iyon kapag pinakasalan siya. Kaya, nakasisiguro siyang darating din ang araw na pagsasawaan din siya nito, iiwanan siyang luhaan. Kaya, hindi niya dapat na hayaang mapalapit ang loob dito. Sigur
ANONG kagagahan ang sinabi mo? Naiinis na tanong niya sa sarili pagkaraan ng ilang sandali. Talaga kasing hindi niya maintindihan ang kanyang sarili kung bakit nasabi niya ang mga salitang iyon. Sinabi na niya kay Liam na anim na buwan lamang ang kanilang pagsasama tapos sinabi pa niyang maaari siya nitong angkinin palagi. Pakiwari niya tuloy ay inaalok niya ang kanyang sarili sa lalaki. Well, wala namang masama kung gawin niya iyon dahil asawa naman niya si Liam. Hindi nga lang sila nagpakasal dahil sa nagmamahalan sila. Ngunit, alam niyang kailangan nila ang isa't isa. Sa kaso niya ay gusto niyang makalimutan si Henry pero, anong dahilan ni Liam?Ang kanyang katawan, wika siya sa sarili. “Really?" Hindi makapaniwalang tanong nito. “Ha?”” wika niya nang bumuka ang bibig niya para bawiin ang kanyang sinabi pero agad inangkin ni Liam ang kanyang mga labi. Sa tingin niya ay iyon na ang oportunidad nito para mapatotohanan ang kanyang sinabi. Dapat ay itulak niya si Liam pero hindi n
KAHIT na abala sa paghahanda ng breakfast si Yvette ay naging matalas pa rin ang kanyang pakiramdam kaya alam na alam niyang gising na ang kanyang asawa. Hindi niya napigilan ang mapangiti sa pagtukoy niyang iyon kay Liam. Talagang feel na feel na niyang asawa niya ito. Kunsabagay, bukod sa may papeles sila na ikinasal, ginagawa rin nila ang ginagawa ng tunay na mag-asawa. "Yvette!" sigaw nito sabay bukas ng pinto. Malayo man ito sa kanya ay dama niya ang katarantahan nito. Para tuloy gusto niyang matawa sa kaisipang may takot itong naramdaman nang magising itong wala siya. Marahil bumalik din sa isipan nito ang pag-iwan niya rito matapos ng may nangyari sa kanila. Sabi kasi ng isip niya nung panahon na iyon ay wala namang patutunguhan ang namagitan sa kanila kaya't makabubunting wakasan na lang niya kahit tumututol ang kanyang kalooban. Ngunit hindi nangyari ang plano niyang wakasan na ang ugnayan nila dahil kilala siya nito at kayang-kaya siya nitong sundan. "Nandito ako," sa
SHUCKS, wika ni Yvette. Ngunit, kahit bumubuhos na sa katawan niya ngayon ang malamig na malamig na tubig, wala pa ring epekto. Ang init-init pa rin ng kanyang katawan. Para nga siyang sinisilaban. Ito ba ang tinatawag na pagnanasa? Kailanman ay hindi niya ito naramdaman kay Henry kaya tiyak niyang hindi pag-ibig ang kanyang nararamdaman. "Ohhh," hindi niya napigilang ibulalas dahil may yumakap buhat sa kanyang likuran. At kahit na hindi niya iyon lingunin, walang ibang gagawa noon kundi si Liam. Bukod pa roon, si Liam lang ang nakakapagparamdam sa kanya ng parang may milyun-milyong boltahe ng kuryente na nanunulay sa kanyang katawan. "Miss you so much, Asawa ko," wika nito. Ibinulong lang iyon ni Liam pero pakiramdam niya'y ipinagsigawan nito sa buong mundo ang mga salitang iyon. Asawa ko. Oh, parang gusto niyang isipin na hindi lang ang katawan niya ang inangkin ni Liam, pati na ang buo niyang pagkatao. Huwag kang ambisyosa! Sigaw ng isang bahagi ng kanyang isipan. Pagkatapos
"ANAK ng tokwa…" Hindi napigilan ni Yvette ang mapabungisngis sa tinurang iyon ni Liam. Kitang-kita niya kung paanong napalis ang ngiti nito nang makita siya. Ang rason, dahil sa kanyang MIss Minchin looks. Dark blue ang straight dress na kanyang suot, tapos naglagay pa siya ng malaking salamin sa mata na wala namang grado ay ipinusod pa niya ang kanyang buhok. Sa hitsura niya ngayon ay alam niyang walang sinumang magkakainteres na siya'y tapunan man lang ng sulyap. Twenty three years old pa lang siya pero para na siyang nasa edad singkuwenta. Alam niya kasing magiging masyado siyang pansinin kung magmi-make up siya at magsusuot ng sexy. At saka, ayaw naman niyang ibalandra sa buong mundo ang kanyang pagkatao. Sapat na sa kanya na magkaroon ng trabaho. Kung sa ibang kumpanya pa siya maga-apply, siguradong makakalkal pa ang kanyang identity. Hindi rin naman niya gustong masaktan ang kanyang ama kung malalaman nitong magtatrabaho siya sa ibang kumpanya. At least kung kay Liam siya m