C-5

"Mukhang masaya kayo ah," ani ko na ikinagulat nila.

"Oh Jenny akala ko ba aalis ka na", parang balewalang sagot ng dalawa. Namaywang ako at tiningnan sila ng masama. 

"Kaibigan ko ba talaga kayo ha...pinagkakaisahan ninyo ako," kunyari drama ko na ikinataas naman ng kilay ni Glorina.

"Weeeeee...drama ka ngayon...hmmmpppp, hindi bagay sayo." Glorina said na ikinatawa ni Jeyjey.

"Che!!! Jeyjey, paano ba yan may video kami ni Nimer? Ayokong pag piyestahan ako ng mga kababaihan at baka mamaya niyan batuhin ako or sabunutan sa kung saan saan," sabi ko bago bumaling kay Jeyjey.

"Patingin...yung sa airport kanina...akala ko ba inayos ni Nimer yun," aniya. Kinuha ko ang aking cellphone at hinanap ang video na kinuha ko kanina.

"Heto oh!!!" ani ko, kinuha naman ng dalawa at pinanood. Nakakunot ang kanilang noong dalawa habang nanonood na patingin tingin sa akin. Hindi ako mapakali na nakatayo sa kanilang harapan habang palakad lakad.

"Can you sit down...nahihilo ako lalo sa pinaggagawa mo diyan," pahayag ni Glorina.

Umupo ako sa bakanteng upuan sa kanilang tabi habang inaantay na matapos ang kanilang pinapanood. Binalik nila sa akin ang aking cellphone pagka panood nila. Hinihintay ko silang magsalita pero wala akong narinig mula sa kanilang dalawa. Hindi ko naman mabasa ang kanilang mga nasa isipan kaya nagtataka ako na ok lang sa kanila yun.

"Wala man lang ba kayong sasabihin...ok lang ba sa inyo yun?" ani ko.

"Ikaw...wala ka bang sasabihin sa amin," balik tanong naman ni Jeyjey na ikina kunot ng aking noo.

"Masarap ba ang bibig niya bess. Matamis ba? " Glorina said na ikinalaki ng aking mata. Nakalimutan ko palang sabihin na nahalikan ko pala siya kanina.

"Hep hep," ani kong nakataas ng kamay. "Hindi ko sinadya yun, malinis ang aking konsensya." Pagtatanggol ko sa aking sarili.

"Ows!!!sigurado ka diyan...Sa napanood namin, we felt a strong emotion from your face." Sabi ni Glorina na sinang ayunan naman ni Jeyjey. 

"Hindi mo nabanggit sa akin na hinalikan mo pala siya," komento naman ni Jeyjey. Patay, sinasabi ko na nga ba. Akala ko makakalusot na ako nito...hindi pa rin pala.

"Ganito kasi yun best friend...Hinahabol ko yung oras kanina, nakikiraan ako sa mga maraming taong naka abang doon na hindi ko naman alam na si Nimer pala ang inaantay. Nakipag siksikan ako pero hindi ko naman akalain na bigla silang magkagulo dahil parating naman na pala tong hudyo na to. Nakipagsiksikan din ako at gusto ko nang makaalis doon pero sa hindi sinasadyang pagkakataon tinulak nila ako sa likod," nag pause muna ako bago nagpatuloy na muli.

"And?...ani Glorina na nag aantay sa karugtong ng aking kwento. Nakatingin din sa akin si Jeyjey habang nakikinig.

"And, yun nga sa pagtulak nila sa akin sa likod natumba ako. Pumikit ako dahil ang akala ko susubsob na ang aking mukha sa may semento pero hindi ko naman akalain na imbes na sa semento ako dederetso kundi sa labi pala ni Nimer ako lumanding," namumula kong pahayag.

Hindi makapaniwala ang dalawa sa kanilang narinig. Napatutop pa nga tong si Glorina sa kanyang bibig pagkarinig sa akin. 

"Pagkatapos noon, tatayo na sana ako para tumakbo pero hinarang ako ng mga tauhan ni James. Tinutukan pa nga ako ng isa niyang body guard, akala niya isa akong spy or kalaban nila pero inawat naman ni Nimer agad." Dugtong ko pa dahil pagtingin ko sa kanila nag aantay pa sila ng karugtong.

"Tapos doon na ako umiksena diba, I saw the video. Doon kita nakita kaya tinawag kita at pinagalitan ko tong si Nimer," ani Jeyjey.

"Anong pinagalitan ka diyan? Binato mo siya ng tsinelas yun yon," sagot ko naman na ikinatawa ni Glorina.

"Seriously, Jeyjey nagawa mo yun sa kanya as in"...malawak na ngiting tanong ni Glorina.

"Yeah, sure...gagawin ko talaga yun lalo na't may hindi maganda silang pinagsamahan. Wala akong pakialam kung mayaman man siya or anak presidente man siya. Hindi ko siya uurungan," aniya.

"Alam mo kakauwi mo pa lang pero mukhang magiging exciting na ulit ngayon," naaliw pang sagot ni Glorina

GLORINA POV:

I can't believed na nagawa ng kaibigan ko yun. Ngayon na lang ulit kami nagsama sama at ngayon na lang ulit naging makulay ang aming mga araw. Simula ng magkawatak watak kaming tatlo, nang kami'y magkanya kanya ng trabaho nawalan na kami ng oras para sa isat isa.

Nag stay si Jeyjey sa america upang upang tuparin ang kanyang isa pang pangarap bukod pa sa pagiging Nurse niya. Gusto niyang maging isang designer kaya ng siya'y mabigyan ng isa pang pagkakataon, she grab it lalo na at suportado naman siya ng kanyang mga kapatid.

Nag aral siya doon ng dalawang taon at nagtrabaho ng almost a year bago naisipang umuwi, ngayon successful na siya. Isa na lang yata ang kulang sa kanya at yun ay ang usapang pag ibig.