Chapter 13

ARMELLE LUNA

Apat na baso ng Margarita pa lang ang nainom ko pero parang nararamdaman ko na ang pamamanhid ng katawan ko. Bahagya na rin umiikot ang paningin ko at dumudoble na ang tingin ko sa mga kasama ko pero wala akong balak na huminto sa pag-inom. Ano ba naman iyon pagbigyan ko sila sa nais nila. Gusto ko rin makalimutan ang pagkadismaya at pagkabigo ko ngayong araw.

Nang iwan niya ako sa loob ng opisina na mag-isa at lumabas kasama ang babaeng dumating kanina ay saka ko napagtanto na pinaglalaruan nga lang niya ang nararamdaman ko. Ang walang-hiyang iyon, pagkatapos akong halikan ay iiwan ako na parang basura sa loob ng opisina niya. Sabagay, sino ba naman ako para piliin niya kumpara sa asawa niya. Mas ngayon ko napatunayan na hindi pa rin siya nagbabago, isa pa rin siyang dakilang babaero.

"Ano, Armelle, kaya pa ba?" malawak ang ngiti na tanong ni Mica sa akin.

Ngumisi ako sabay tungga ng natitirang laman na inumin sa aking baso. "Ako pa talaga ang hinamon n'yo. Kahit abut