Chapter 11

ARMELLE LUNA

Gusto ko na paalisin si Hanz para magkasarilinan na kami ni mama. Marami ako gusto itanong sa magaling kong ina pero mukhang nag-e-enjoy pa ito at si Hanz mag-usap.

Pagkatapos kumain ng hapunan ay nagsimula na sila magkwentuhang dalawa dito sa sala. Nakatutok lang ang atensyon ko sa pinapanood ko dahil wala naman ako balak na makisingit sa usapn nilang dalawa. Minsan ay tinatanong ako ni mama, kapag nasagot ko na ay tinutuon kong muli ang atensyon sa TV.

Bagamat nakatutok ang mata ko sa pinapanood ko ay hindi nakakaligtas sa gilid ng mata ko ang panaka-nakang pagsulyap sa 'kin ni Hanz. Marahil ay humihingi ito ng saklolo sa 'kin para patigilin si mama sa kadaldalan nito. Pero dahil gusto ko bumawi sa pananakit niya sa damdamin ko ay hinayaan ko lang siya. Bahala siyang marindi sa boses ni mama.

"Anak, ihatid mo na si Hanz sa labas," pukaw sa 'kin ni mama.

Nakahinga ako dahil mukhang nagsawa na ito makipagkwentuhan. Tumayo ako saka tinungo ang pintuan.

"Thank you po, t