Kabanata 50: Slap

Panibagong araw ang sumalubong sa akin. Hawak ko sa aking kamay ang dalawang folder kung saan nakalagay ang mga dapat na matapos na gawain ni Lucas. Ilang hakbang na lamang sana ay maibibigay ko na ito sa kaniya ng makita ko si Roxanne.

"Nasaan iyong babae na iyon?!"

"Roxanne, huwag ka mag-eskandalo rito." Nakita ko kung paano siya hilahin sa gilid ni Lucas. Maingat naman ako na lumapit pa at nagtago sa bandang gilid.

"At bakit hindi? Inaagaw ka sa akin ng Dianna na iyon!" Lumingon muna si Lucas sa paligid bago bahagyang yumuko at lumapit kay Roxanne.

"Huwag mo sirain ang plano ko, Roxanne." Napasandal ako sa pader na nasa aking bandang likod.

"Siguraduhin mo lang, Lucas. Hindi mo gugustuhin na magalit ako." Sandali na napapikit ng kaniyang mga mata si Lucas.

"Oo nga! Kaunti na lang naman na panahon, sa tingin ko ay malambot pa talaga ang puso niya para sa akin."

"Oh, ito! Ako ang nagluto niyan." Kinuha iyon ni Lucas.

"Sige na, umalis ka na! Baka sa halip na matapos ko kaagad ang