#1

NAKALIPAS ANG PITONG TAON

"Nandito na ang President! Maging magalang ang lahat sa unang pagsulpot ng bagong President!" Ito ang naging sigaw ng isang tauhan ng President.

Ang President na 'to ay walang iba kundi si Brent De Guzman. Siya ay hinahangaan nang lahat. Matalino, gwapo, matangos ang ilong may mapupungay na mata. Ngunit, may malamig na puso.

"Magandang araw po Sir!" Sabay-sabay na sigaw ng mga empleyado, matapos siyang makababa sa kaniyang sasakyan. Naging mainit ang pagsalubong sa kaniya ng lahat.

Walang kibo lamang si Brent. Malamig niyang nilagpasan ang mga ito hanggang sa tuluyan siyang magtungo sa loob ng kaniyang company.

• • • • •

Nagmamadali si Bella sa kaniyang paglalakad. Upang puntahan ang kaniyang ama. Kailangan niya nang tulong para sa kaniyang anak. Na ngayon ay naging malubha ang sakit nito. Ilang minuto, dumating siya sa kanilang bahay.

"Hindi ko inaasahan na babalik ka sis." Mataray na bungad ng kaniyang step sister sa kaniya.

"Ahmm, Gina asan si Dad? May kailangan lang akong sabihin sa kaniya. Pwede mo bang sabihin sa kaniya na nandito ako?" Mahinahon na boses ni, Bella.

"I'm very sorry sis. Dahil ayaw ka na niyang makita pa. Isa pa, wala dito si Dad, nasa America siya kasama si Mom. Masaya siya ngayon kaya kung pwede huwag mo muna silang sturbohin pa." Nakangiti na tugon nito. Ngunit sa kaniyang loob ay naiinis siya kay, Bella. Dahil sa pagbabalik nito.

"Anong ibig mong sabihin? Kailangan ko si Dad, ngayon. Gina, tulungan mo naman akong kausapin siya. Alam ko naman na galit siya sa 'kin. Pero, wala na akong ibang malapitan kundi si Dad, lang." Pagsusumamo ni Bella.

"Ano akala mo sa akin Tanga??? Bella, matagal na nang umalis rito. Ibig sabihin nakalimutan ka na rin ni Dad. Pwede ba umalis ka na lang! Wala ka rin naman mapapala!" Paulit-ulit na sigaw nito. Na kung umasta ay tunay na anak.

"Pwede ba, Gina please ..." Kasabay nito ang pagtulo ng luha ni Bella.

"Argh! Sh*t! Ngayon pa talaga! Bella may importante akong pupuntahan! Pwede bang tumigil ka sa drama mo. Sinabi ko na, na wala nga rito si Dad! Huwag ka ngang makulit!"

"Gina, bakit ganyan ka makipag-usap sa akin? May nagawa ba akong mali sayo noon? Gina, kapatid mo pa rin ako, huwag ka naman ganyan sa akin."

"Damn you Bella! Iniwan mo na kami dati pa! At wala ka nang karapatan para bumalik pa!" Sobrang nasaktan si Bella, sa mga salitang binitawan ng minahal niyang kapatid. Hindi niya lubos inakala na magiging ganito si Gina sa kanya. Akmang magsasalita pa sana si Bella, subalit inunahan siya ni Gina.

"Guards! Ilabas niyo nga ang babaeng 'to! Isang mabahong basura! Paki-labas nga paki-bilisan niyo naman!" Halos madurog ang puso ni Bella. Napa-iling-iling siya habang pilit na pinilpigilan ang luhang nais lumabas sa mata niya.

Kalaunan pa, lubos niyang ikinagulat ang pagkaladkad sa kaniya ng mga guards. Pakiramdam ngayon ni Bella, parang hindi siya isang Monteverde. Pakiramdam niya ay wala na siyang puwang sa sariling bahay niya.

"Bwesit! Pupuntahan ko pa ang fiance kong si Brent, tapos inisturbo pa ako ng babaeng 'yon! Argh!" Inis na inis na sigaw ni Gina.

Narinig pa ito ni, Bella at halos hindi siya makapanilawang marinig ang pangalan ng asawa niya. Pilit siyang pumiglas sa mga lalake. Ngunit, sa kalakihan ng mga ito ay hindi niya kaya. Hanggang sa tuluyan siyang itinapon papalabas ng kanilang bahay. Umakma pa siyang papasok muli, subalit hinarangan at tinulak siya ng mga ito.

Nasa isip ni Bella, ang nag-iisa niyang anak na lalaki. Na ngayon ay nasa hospital dahil sa malubhang sakit nito.

"Bakit ganun, alam ko naman na nagkamali ako noon. Pero, kailangan ba akong gantihan ng ganito? Wala naman akong ibang ninais, kundi ang magmahal at maging masaya. Nais kong mabuhay nang matagal ang anak ko. Dahil sa kaniya ko na lang naaalala ang pinakamamahal kong si Brent." Wika ni Bella, habang naglalakad siya sa tahimik na lugar.

Maya-maya pa, nahagilap ng kaniyang mata ang isang matanda.

"Ikaw matanda ka! Bakit ka ba nandito ang baho mo! Umalis ka nga dito sa harap ng tindahan ko! Ang dumi-dumi mo, tiyak akong ikaw ang dahilan kung bakit wala akong benta ngayon! Isa kang malas na matanda!" Sigaw ng isang tindiro habang tinatadyakan nito ang matanda.

Agad naman na lumapit si Bella at pinigilan ang lalaking ito.

"Ano ba, huwag ka ngang ganyan! Kahit pulubi siya, may puso pa rin siya. Tao pa rin siya at kailangan galangin!" Pagtatanggol niya rito sabay harang niya. Upang hindi matamaan ulit ng sipa.

"Hoy! Babae, wala kang pake-alam kung ano ang gawin ko! Kung kamag-anak mo siya! Dalhin mo siya at umalis kayo rito! Mga malas sa buhay ko!" Dagdag pa nito, sabay talikod sa kanila.

Itinayo ni Bella ang matandang ito at pinunasan ang katawan nito.

"Pasensya na po lolo. May mga taong ganun po talaga. Patawad po, kung natrato ka po nang masama."

"Iha, wala akong kasalanan. Maraming salamat iha." Nagbigay naman ito nang matamis na ngiti kay Bella.

"Iha ano pala ang pangalan mo?" Mahinahon na tanong pa nito.

"Bella po, Bella Monteverde po."

"May asawa ka na ba?" Halos ikinangisi ito ni Bella. Hindi niya inaasahan na mabilis magtanong ang matandang ito.

"Ahm, lolo meron na po akong asawa. Pero, matagal na po kaming hindi nagsasama." Naging malungkot ang boses ni Bella.

"Kung ganun, ayos na ayos!" Biglang sigaw naman ni Lolo.

"Po? Bakit naman po?" Pagtataka ni Bella.

"Kasi, pareho kayo ng anak kong si Bre---" Tumunog ang cellphone ni Bella, kaya hindi na ituloy nang matanda ang sasabihin nito.

"Saglit lang po lolo, sasagutin ko lang po." Maayos na pagpapaalam niya. Nakangiti naman ang matanda habang hinihintay niya si Bella. Tila'y interesado ang matandang ito kay Bella.

"Lolo, aalis na po ako. Kailangan po kasi ako ng anak ko sa hospital. Tsyaka, tanggapin niyo po ang pera na ito para may pang bili po kayo nang pagkain kung sakaling magutom po kayo," sabay abot ni Bella, ng pera. Matapos ay mabilis siyang napatakbo.

Nagawa pang sumigaw ng matanda upang tawagin siya. Ngunit, hindi na ito narinig pa ni Bella.

"Hindi bale, alam kong magkikita pa tayo ulit. Iha, ikaw ang nais kong ikasal sa aking anak." Huling binanggit ng matanda, habang hawak niya ang I'd ni Bella, na nahulog matapos itong tumakbo.