Chapter 2 - It's An Old Man?

CHAPTER 2

“Are you really going to marry me? Kung joke ang sinabi mo kanina, sabihin mo na ngayon.”

Tinignan ni Belinda ang lalaki at hinintay ang sasabihin. Nasa loob na sila ng kotse ng lalaki at hanggang ngayon ay gulat pa rin ito sa sinabi ng lalaki kanina.

Hindi sila magkakilala, pero bigla siyang sumulpot sa napakagulong sitwasyon at sinabing siya na lang ang pakasalan ni Belinda. Ang mas nakakagulat, nandito siya sa kotse kahit hindi naman niya ito kilala.

“Sa tingin mo ba may oras ako para mag-joke?”

“But we don't know each other. Ni hindi ko alam kung paano ka nakapasok sa bahay. Hindi natin kilala ang isa't isa tapos magpapakasal tayo? You know what? Kung nangti-trip ka lang, sabihin mo na.”

The guy looked at Belinda. “Ayaw mo? So you want to marry that cheater instead?”

Natahimik si Belinda. Ayaw ni Belinda na pakasalan pa si Danilo, pero naisip nito ang lola niya na siyang unang madidisappoint kapag hindi natuloy ang kasal.

“I get why you can't trust what I said. That woman is my girlfriend and that's the reason why I came inside that house.” He seriously said to Belinda.

Belinda was out of words after hearing that.

“As far as I know, bukas na ang kasal niyo. If you are going to say yes to marrying me, leave everything to me. I can do something to change everything.”

Napatitig si Belinda sa lalaki, ganoon din naman ang lalaki. Dahil sa pagtitig ni Belinda, hindi niya maiwasang pag-aralan ang physical na anyo nito. Medyo mahaba ang buhok niya kumpara sa karaniwang buhok ng Lalaki. Matangos ang ilong at halatang mayaman. Moreno at ang bawat parte ng mukha niya ay nasa tamang korte na animo'y isang perpektong nilikha.

“You done checking on me? If yes, why don't you give me your answer?” Biglang natauhan si Belinda sa **biglang tanong ng lalaki. Napatikhim siya at napaiwas ng tingin.**

“B-But we still don't know each other. Ni pangalan ay hindi ko alam—”

“Van James Villariva, that's my name,” mabilis na sagot ng lalaki o ang nagngangalang Van at tinignan pa nito ang relo.

“Belinda—”

“Your answer. I want your answer.”

Pumikit ng mariin si Belinda. Huminga siya ng malalim at dahan-dahang tumango. Sa isip nito ay mas mabuti pang magpakasal sa iba kaysa magpakasal sa manloloko at taksil na iyon, pero gusto niyang magmura bigla nang mapagtanto kung paano niya ipapaliwanag sa pamilya ang nangyari.

“Oh? Hindi ba dapat nagpapahinga ka ngayon para sa kasal mo bukas? What brought you here, iha?” Ang step-mom nito ang unang lumapit kay Belinda pagpasok sa dining table.

Hanggang ngayon ay hindi pa rin sanay si Belinda na mabait ang stepmom niya sa kanya. Mula noong pinakasalan siya ng ama niya, palaging malupit ito sa kanya, pero simula noong malaman niyang ikakasal siya kay Danilo ay biglang nagbago ang pakikitungo nito.

Kabadong tinignan ni Belinda ang buong pamilya niya. Ang dalawang step-sister niyang sina Bianca at Dina ay masungit na nakatingin sa kanya. Bukas ang kasal niya, pero wala ang ama niya.

“Nandito po ako para sabihin na, hindi po si Danilo ang papakasalan ko bukas.”

Natahimik ang lahat.

“Are you crazy?” Bianca was the first one to talk. Natawa pa ito at napailing.

“Anong sinasabi mong hindi si Danilo ang papakasalan mo bukas? Nasisiraan ka na ba ng isip?” Galit na tanong ng step-mom niya.

“Danilo cheated—”

“Nakabingwit ka na nga ng mayaman at makakatulong sa kompanya, pinakawalan mo pa!”

“Pero—”

“Gagà! Hindi tayo matutulungan ng katangahan mo! Ang tanga-tanga mo!”

“Madali ka lang naman kasing palitan dahil masyado kang manang manamit.” Dina said.

“Tama!” Pagsang-ayon ni Bianca.

Pagkatapos ng panlalait at masasakit na salitang natanggap niya, ilang oras siyang umiyak. Sa pamilya niya, ang lola niya lang ang kakampi niya.

Tulala si Belinda habang nakatitig sa sarili sa salamin.

“Hello, step-sister!” May pang-aasar sa boses ni Bianca nang pumasok ito sa kwarto kasama si Dina.

Nakaayos na ang dalawa gaya niya, ang kaibahan, masaya sila, habang si Belinda ay hindi man lang magawang ngumiti.

“Mukhang mayaman din naman pala ang mapapangasawa mo. Saan mo napulot? Matanda ba?” Si Dina at hindi itinago ang pandidiri habang sinasabi iyon.

May sumundo kay Belinda kanina sa condo niya na ipinadala raw ni Van. Dinala siya rito sa kilalang hotel at inayusan. Dito na rin ang magiging venue at nakaayos na rin ang lahat, kung paano niya iyon nagawa, hindi alam ni Belinda.

“Baka malapit ng mamatay. Mapapahiya ang pamilya...” Si Bianca at lumapit pa kay Belinda at hinawakan ang buhok nito. Tinignan ng seryoso ni Belinda si Bianca.

“Hindi siya matanda at mas lalong hindi siya malapit mamatay.. Huwag kayong mag-alala, hindi naman ako papayag na mapahiya kayo. In fact, he is more handsome than Danilo.” Hindi na napigilan ni Belinda na sabihin iyon.

Tumawa ang dalawang step-sister ni Belinda nang marinig iyon.

“Anong gusto mong iparating? That you got a perfect guy just a night after Danilo cheated on you? Nananaginip ka ata.” Dani said at lumapit din kay Belinda.

“Hayaan mo na siya mangarap ngayon, Dani. Bigyan mo na dahil sigurado naman akong mapapahiya lang siya.” At pagkatapos nito, iniwan na nila si Belinda.

Lumabas siya ng ilang sandali at doon ay naghihintay ang step-mom at step-sister niya.

“I can see that this guy is also rich.” Sabi ng step-mom niya.

“Come on, believe me, mom. It's an old man. May nagsabi sa akin mula sa baba na may matandang naka-wheelchair daw roon na naghihintay sa altar.” Sabi ni Dani.

Hindi na lang nagsalita si Belinda dahil alam naman niya kung sino ang papakasalan niya. Dahil sa nangyaring pagbabago ng groom, kitang-kita niya ang pagbabago, ilan lang ang dumalo na kakilala nila at may ilan na hindi niya kilala. Pansin niya rin ang ibang mapanuring tingin sa kanya.

Naglalakad na siya papasok kasama ang kanyang step-mom nang mapansin niya ang naghihintay sa altar.

Nataranta si Belinda dahil hindi ang nakausap niya kagabi ang naghihintay sa kanya sa altar.

Gusto niyang tumigil sa paglalakad, pero hindi niya magawa nang makita niya sa gilid ang kanyang lola na inaalalayan ng isang nurse. Malabo ang mata nito dahil sa cataract, pero kahit na ganoon ay masaya siya na para bang kitang-kita niya ang lahat. Kitang-kita naman niya ang natatawang mga step-sister niya sa gilid.

“I can't believe that it's really an old man. Pinagpalit mo si Danilo sa matanda? Disgusting,” mariing bulong ng step-mom.

Bago pa siya makapagsalita ay tuluyan na silang nakalapit sa matanda. Halos mangiyak-iyak na si Belinda. Gusto niyang umatras, pero ang lola niya ang iniisip niya.

Nakita ni Belinda ang pekeng ngiti ng step-mom niya habang nakatingin sa matandang naka-wheelchair. Hinila pa nito ang kamay ni Belinda para iabot sa matanda.

“It's too sudden, pero sana alagaan mo siya—”

Biglang may sumulpot sa gilid at hinawakan ang kamay ni Belinda. Lahat ay napatingin at natigilan habang si Belinda ay tuluyang lumuha dahil akala niya ikakasal na talaga siya sa matanda.

“I'm sorry, I'm late.” sabi ni Van na nakakagulat ang boses na nagulat sa lahat.

Nakarinig ng singhap si Belinda, pero kahit hindi niya tignan, alam niyang galing iyon sa stepsisters niya.