CHAPTER 20

KAGAYA NG INAASAHAN, nauna nang pumunta si Genis sa hotel kung saan gaganapin ang celebration para sa anniversary ng GenCo Corporation, ang isa sa mga itinatag na kompanya ni Genis at ng mga kaibigan nito. Siya ay ipinasundo na lamang nito kay Mang Doy, marahil ay upang huwag namang magtaka ang mga empleyado nito kung sakaling may makakitang nagcocommute siya.

Alam rin niyang napilitan lang naman itong padaluhin siya sa kompanya nito since alam ng lahat na bagong kasal sila. Kung siya nga lamang ang masusunod ay mas gusto na lamang niyang mag-stay siya sa bahay dahil for sure maa-out of place lamang naman siya duon dahil wala naman siyang kakilala kundi si Genis lang. Pero ayaw niyang maging issue pa ito sa asawa kaya dumalo na rin siya.

Simple lamang ang ayos niya. Manipis na make up lamang ang ipinalagay niya sa make-up artist na kinuha niya. Ipinataas lang din niya ang buhok niya. Ang suot niyang black gown na may mahabang slit sa tagiliran ay ipinada