CHAPTER 45

NAKAPIRING siya kung kaya’t di niya alam kung saan siya dinala ng mga lalaki. Ngunit mahigit apat na oras rin ang biniyahe nila bago sila huminto sa isang lugar na maalisansang ang amoy. Iginiya sila ng mga itong pababa at pinaupo saka itinali ang mga kamay at mga paa. Pinasakan rin ng mga ito ang kanilang mga bibig kaya kahit anong sigaw ang gawin niya ay walang lumalabas sa kanya.

Ngunit kung kanina ay takot na takot siya, ngayon ay parang kalmado lamang siya. Itinaas na niya sa Panginoon ang anumang kahihinatnat nilang magkapatid. Alam niyang hindi sila pababayaan ng Nasa Itaas.

Isang oras yata sila duon maya-maya ay kinalas ng mga ito ang mga tali nila sa paa saka muling iginiya pabalik ng sasakyan. Hindi niya alam kung ano ang binabalak ng mga ito sa kanilang magkapatid. Umaasa na lamang siya na walang mangyayaring masama sa mga magulang niya at mga kapatid oras na makarating sa mga ito ang nangyari sa kanila ng Kuya Lukas niya.

Muling t