Kabanata 72: Kabado

NAPABUNTONGHININGA na lang si Tali at napailing. Hindi na rin niya namalayan ang ngiting sumilay sa kaniyang mga labi nang maalala si Gael. Makulit pa rin ang binata at pilit inilalapit ang sarili nito sa kaniya kahit pinagtatabuyan niya ito. Ngunit sa kabila nang ginagawa nito, alam niyang masaya siya at gusto niya iyon pero hanggang ngayon, takot pa rin siyang tanggapin ulit ang binata sa buhay niya.

Napabuga ulit siya ng hangin kasunod ng lungkot sa kaniyang mukha. Kailan ba siya magiging matapang para ipaglaban ang totoo niyang nararamdaman?

"Mom."

Bahagya siyang napaigtad at agad napalingon kay Callum na kakapasok lang ng silid niya. Agad siyang ngumiti sa anak kahit nandoon pa rin ang bakas ng lungkot.

"Why, anak? Bakit gising ka pa?" Ibinuka niya ang bisig para ayain itong lumapit sa kaniya.

Lumapit ito at umupo sa tabi niya, saka niyakap siya. "I can't sleep, mom," anito.

Natawa siya at hinalikan ito sa ulo. "Why? May iniisip ka ba? School? Anything? Sabihin mo sa akin baka mak