Chapter 6

Chapter 6

Grace Estrella-Lopez

SA HALIP na si Blast lamang ang aking aasikasuhin ay dumagdag pa si Blaze dahil nahulog siya mula sa puno ng niyog. Hindi ko akalaing mahuhulog talaga siya. Nakokonsensya ako. Kung ako nalang sana ang umakyat ay hindi nangyari iyon sa kaniya. Sana ay masigla si Blaze ngayon at hindi nakaupo lamang habang lukot ang mukha.

“Pasensya na talaga, Blaze.” nakatungong paghingi ko ng paumanhin.

Nilingon niya ako. Mula sa pagkakakunot ng noo ay mabilis na lumambot ang kaniyang ekspresyon. “No! Hindi mo kasalanan, Grace. It was all Blast's fault.”

“Bakit ako?” agad na reklamo ni Blast na namamaga na ang braso.

Mas lalo akong napayuko. Imbes na matulungan ko silang dalawa ay tila napurwisyo ko pa sila.

Naramdaman ko ang paglapit sa akin ni Blaze. Magkatabi kasi kami sa mahabang sofa habang si Blast ay nasa tapat naming dal