Kabanata 5 The Big Mistake

Bumaba ng dyip si Emerald at napatitig sa matayog na gusali. Lahat ng tao sa kanilang lugar ay nangangarap na makapasok sa LM Corporation. Malaki ang sweldo at todo ang benefits ng kumpanya. Idagdag pa ang gwapo at bilyonaryong CEO nito na si Lucian Monteverde.

Habang naglalakad palapit sa gusali ay muli siyang napatigil. Naalala niya ang unang araw sa kumpanya. Lahat ay nanghula na hindi siya tatagal sa pagiging mainitin ng ulo ng CEO. Pero siya lamang ang tumagal na assistant nito.

Naging malapit si Abby sa kanya na kasintahan ni Lucian. Alam naman niyang gusto lamang siya nitong gawing spy sa CEO.

“Emerald, ang gwapo talaga ni Lucian ano?”

“Yes, Ms. Abby. Agree po ako.”

“Don’t you find him attractive? I mean, madalas kayong magkasama.”

“Ms. Abby, assistant lang po ako ni Sir Lucian. Wala pong anumang namamagitan sa amin maliban sa pagiging boss at assitant. Huwag po kayong mag-alalala.”

Naging mailap ang mata niya dahil alam niya sa sariling may lihim siyang pagtingin sa boss. Ngunit ang lihim na pagtingin niya dito ay mananatiling sikreto na isasama niya sa hukay. Wala siyang planong ipakita ang pag-ibig sa CEO na alam niyang may kasintahan na. Bukod pa sa langit at lupang pagitan nila.

“May sasabihin ako sa’yo,” hinila siya ni Abby sa sulok.

“Ano po ‘yun?”

“I will go abroad. Alam mo na fashion shows at may kasama akong ibang boyfriend.”

Nalaglag ang panga niya sa nadinig. Nagtataksil si Abby sa amo niya. May bumabangong inis sa kanyang dibdib.

“Yes, magpapakasal sana ako kay Lucian for security ng buhay at pamilya ko kaso na-in love ako sa iba,” anitong ipinakita pa ang larawan ng nobyo sa cellphone na isa ding modelo. Pero hindi hamak na mas nakakahigit si Lucian.

“Bakit po ninyo sinasabi sa akin ang mga bagay na ‘yan?”

“Tulungan mo akong sirain ang engagement namin. Masamang magalit ang mga Monteverde, pero kung si Lucian ang magkakamali, makakalaya ako sa relasyon namin ng walang hirap,” anito.

“Pasensya na po, hindi ko magagawa ang inuutos ninyo.”

“Anong mahirap sa pang-aakit kay Lucian? Maganda ka at sexy. Makipagrelasyon ka sa kanya ng lihim. At kunwari ay matutuklasan ko tapos ay makikipag-break ako.”

“Baka magalit si Sir Lucian sa akin. Mahal ka niya.”

“Nasa ospital ang tatay mo hindi ba? May tubig sa baga? Hindi maituloy ang gamutan dahil sa mahal? Ako ang sasagot sa pagpapagamot niya. Pati pagpapaaral ng kapatid mo.”

“Pag-iisipan ko po muna. At mas mainam na pag-isipan din ninyong mabuti.”

“Buo na ang pasya ko. Ngayon kung ayaw mo, gagawa ako ng paraan na maalis ka sa trabaho para mapalitan ka ng babaeng papayag sa gusto ko. Alam mong hindi madaling lumapit sa isang Lucian Monteverde. Kaya kita binabayaran ay dahil ikaw ang nasa posisyon na madaling makakagawa ng inuutos ko.”

Nasindak siya. Hindi niya kayang mawalan ng trabaho sa panahon ngayon.

“Sige po, payag po ako. Pero magpirmahan po tayo ng kasulatan,” sagot niya kahit puno ng agam agam ang dibdib.

“Hindi na kailangan, marunong akong tumupad sa usapan. Ipapaayos ko na ang hospitalization ng tatay mo at scholarship ng kapatid mo. Papadalahan kita ng gamit upang maakit mo si Lucian. Hindi mo siya maaakit sa mga cheap mong kasuotan.”

Nang araw din na iyon ay dinala siya sa spa at salon ni Abby. Binilihan din siya ng mga damit at pabango.

Kinabukasan ay napansin ni Lucian ang pagbabago sa kanya.

“Emerald, akala ko ba kaya ka nag-advance ng sahod mo ay dahil nasa ospital ang tatay mo pero mukhang bago lahat ng gamit mo at mamahalin pa,” sita nito.

“Bigay lang po ito sa akin.”

“Anyway, anong schedule today?” anitong napatagal ang titig sa kanya. Nakahapit at maiksi siyang dress, bakas ang magandang hubog ng kanyang katawan. Nataranta siya at nahulog ang hawak na ballpen sa paanan ng boss kaya napayuko siya at bago pa ma-out of balance at napahawak siya sa tuhod nito.

“Are you seducing me? Tigilan mo ako. Alam mo ang nangyayari kapag lumagpas ka sa boundaries.”

“Hindi po, Sir Lucian. Alam ko po kung saan ako dapat lumugar,” aniyang mabilis na tumayo ngunit napatid sa sariling mga paa kaya nahulog siya sa kandungan ng amo.

Lihim niyang kinurot ang sarili. Mag-uumpisa pa lamang ay palpak na siya. Dapat ay maakit ang boss sa kanya ng hindi nito namamalayan. Ngunit paano? Wala naman siyang alam sa flirting.

Binuksan niya ang laptop at nag-search. Libre na lamang ang matuto ngayon. Aaralin niya ang art of flirting. Madami siyang manliligaw pero dahil si Lucian Monteverde ang target niya, kailangan niyang galingan.

“Tama bang ubusin mo ang oras mo sa ganyang bagay?” anang baritonong tinig sa likuran! Naihagis niya ang mouse sa gulat!

“Art of flirting? Magaling ka na diyan. Simpleng galaw ng balakang at titig mo sa akin. Alam kong pinagnanasaan mo ako,” anitong bumulong sa kanyang tenga. Tumama ang mabangong hininga nito sa kanyang pisngi. Tila siya naparalisa.

Kailangang gamitin niya ang pagkakataong ito. “Sir Lucian, busy po si Ms. Abby sa kanyang career. Baka kailangan po ninyo ng reserba. Kaya kong punan ang pagkukulang niya,” matatag at mapang-akit ang kanyang tinig kahit pa tila may naghahabulang daga sa kanyang dibdib.

Humarap siya sa CEO at hinila ang necktie nito. “Walang nakakaalam. Ikaw at ako sa paraiso. Bayaran mo ako at nakahanda akong pagsilbihan ka hindi lang sa loob ng opisina kundi maging sa kama.”

“Disguting! Ulitin mo pa ‘yan at tanggal ka sa trabaho!” anitong itinulak siya.

Hindi niya inasahan na ganito kahirap akitin si Lucian. Inilaan niya ang mga araw sa simpleng pang-aakit dito at pag-alam ng lahat ng gusto nito na pinagsisihan niya dahil sa bawat araw ay mas lalo siyang nahuhulog sa CEO. Huli na upang iahon ang sarili. She’s crazy in love na handang gawin ang lahat sa ngalan ng pag-ibig.

Natauhan lamang siya ng mabangga siya ng isang empleyadong nagmamadaling pumasok sa loob. Tulala ang lahat ng makita siyang pumasok sa loob ng ML Corporation. Sinalubong siya ni Luna at sinamahan sa opisina ni Lucian.