Chapter 27

MAHIGPIT ang hawak ni Blake sa kamay ni Penelope. Wala pa rin itong malay na nakahiga sa hospital bed. Nailipat na ito sa isang private room at nagamot na ang ilang sugat na nalagyan na rin ng bandage.

Ilang oras na ang nakalipas ay hindi pa rin ito nagigising. Nagsimula ng magpakita ang haring araw at ni paggalaw ng kamay ay hindi man lang niya nakita sa asawa. Kinausap niya ang Doctor na tumingin kay Penelope at sinabing hindi naman comatose ito at doon siya nakahinga ng maluwag. Pero kahit ganon ay ilang boltahe ng kaba pa rin ang pumapalibot sa dibdib ni Blake dahil sa sitwasyon ng asawa.

Ang daming sugat at saksak ng asawa niya ang pinakamalalim ay ang sa tagiliran na muntik na nitong ika-pahamak. Marami rin ang nawalang dugo kay Penelope buti nalamang at madali rin na nakapunta sa ospital ang mga magulang nito at ang ama ni Penelope ang nagsilbing donor para masalinan ng dugo ang asawa niya.

Stable na ang lagay nito humina lamang a