Kabanata 7 - Tito

Kinagat ni Alyana ang labi. Malungkot siya. Hindi lang basta malungkot, kundi parang may parte sa kanya na tuluyang gumuho. Masakit ang ginawa ni Derrick—masakit sa puntong hindi niya akalaing siya ang magiging babaeng naluko siya gaya ng kanyang ina. Pero ang mas matindi?

Sumulpot bigla ang isang tao sa isip niya. Isang taong hindi niya dapat iniisip sa ganitong pagkakataon. Hindi na siya umiiyak dahil kay Derrick lang. Ang sakit na nararamdaman niya ay mas kumplikado, mas magulo.

Biglang lumakas ang hagulgol niya. Bumigay na siya. Tuluyang bumagsak ang kanyang emosyon, parang binagsakan siya ng buong mundo. Nanginginig ang katawan niya sa bawat hikbi, at wala na siyang pakialam kahit magulo na ang buhok niya o basa na ang mukha sa luha.

Napasinghap si Kyllie, halatang nagulat sa biglaang paghagulgol ng kaibigan. Nilapitan niya ito at hinawakan sa balikat.

“Hey!” malakas niyang tawag. “Huwag mo siyang iyakan ng ganyan! Kung ako sa’yo, mag-act normal ka lalo na ngayon at sa kompanya ng mga Montenegro ka magtatrabaho! Baka mamaya ay siya pa ang maging boss mo o kaya naman ay magkita kayo ro’n. Huwag mo siyang iyakan! Oo, gwapo iyon, pero gago! Kaya huwag mong iyakan!”

“H-Hindi lang naman kasi iyon ang iniiyakan ko,” pabulong na sagot ni Alyana habang pilit pinapakalma ang sarili ngunit hindi magawa. Hindi niya alam kung dapat ba siyang matakot, mahiya, o magalit sa sarili.

Napataas ang kilay ni Kyllie, napaatras nang bahagya, tila may naramdaman na siyang mas malalim pa sa lahat ng kwento. Nagtama ang mga mata nila, at doon niya nakita ang matinding pagkalito sa mga mata ng kaibigan.

“Ano pa bang iniiyakan mo bukod sa manloloko mong—”

“May nangyari sa amin ng tito niya!” malakas na sigaw ni Alyana, at saka muling napahagulgol, ngayon ay mas malakas pa.

Parang nasampal ng hangin si Kyllie sa narinig. Napalunok siya at para bang biglang naging estatwa. Halos umabot sa sahig ang panga niya sa sobrang pagkabigla, habang dahan-dahang umaatras ang katawan niya na parang inaatake ng panic.

“H-Huh?” tanging nasambit niya, nanginginig pa ang tinig, habang palipat-lipat ang tingin kay Alyana at sa suot nito.

"I-Iyang damit na suot mo? S-Sa tito niya?" Gulat pang tanong niya dahil alam niyang hindi iyon basta t-shirt, mamahalin iyon ng subra!

Hindi na sumagot si Alyana. Sa halip, dahan-dahan niyang ipinasok ang kamay sa bulsa at may inilabas—isang maliit na kahon na tila ba may mabigat na laman. Nanginginig ang mga daliri niya habang binubuksan iyon.

Sa loob nito ay isang singsing. Simpleng disenyo, pero halata ang pagka-mamahalin. May liwanag sa bato nito na parang sinisigaw ang halaga—hindi lang pera, kundi bigat ng intensyon.

“T-Tapos binigyan niya ako ng s-singsing. S-sabi niya, pakasalan ko raw siya,” she said, nanginginig ang boses, parang hindi pa rin makapaniwala sa sarili niyang sinasabi.

Parang isang joke na hindi nakakatawa. Kahibangan. Kalokohan. Pero totoo. Totoong sinabi iyon ng tito ni Derrick, habang magulo pa ang isipan niya sa lahat ng nangyari.

“No way?” sambit ni Kyllie, halos mapahawak na sa ulo niya.

"Girl, anong klaseng pelikula 'to?! Tito ng ex mo, proposal, singsing? Are we in a drama series?" Parang babagsakan siya ng langit at lupa sa sunod-sunod na pasabog ng kaibigan. "Wait lang ha, kailangan ko munang huminga."

Pinunasan ni Alyana ang luha at saka tinignan si Kyllie.

“Alam ko naman na nakakagulat, gulat na gulat din ako—”

“Aba talagang nakakagulat! Anong itsura ng tito niyang iyon? Naku? Ano? Matanda? May pustiso na ba? Iyong buhok? Puti na ba? Susmiyo kang babae ka, anong meron sa tito ni Derrick at bumukaka ka kagad?” Ani nito at hindi makapaniwalang tinignan siya, parang gusto siyang kalampagin sa balikat para magising sa katotohanan.

Napanguso si Alyana at biglang nawala ang luha nang alalahanin nito ang itsura ng lalaking kinahulugan niya. Namula ang pisngi niya, pati leeg nang maalala kung anong itsura nito.

“G-Gwapo siya, m-matangkad, maganda ang katawan… tapos—” Hindi niya naituloy ang mga sasabihin nang itaas ni Kyllie ang kamay habang umiiling na animo’y wala siyang naririnig, parang tinatakpan na ang utak niya sa sobrang absurd ng sitwasyon.

“Aba, mukhang ginayuma ka pa ng lalakeng yan! Tito niya? So matanda na kaya anong gwapo at maganda ang katawan? Baka nga kalansay na yan at isang ihip ng hangin ay patay na—”

“Hindi! Magkaedad lang sila ni Derrick!” Mabilis na putol ni Alyana, halos napatalon pa sa inis at kahihiyan, lalo na nang bumagsak ang panga ni Kyllie.

“Wait lang, rewind! Ano ulit sabi mo? Magkaedad sila? As in parang ka-age lang ni Derrick?!” bulalas ni Kyllie, napasalampak sa sofa habang hawak ang sentido niya.

“Y-Yeah… parang ganun. Hindi ko alam! Sa inis at galit ko kay Derrick dahil ang sabi niya ay ginawa lang niya iyon dahil hindi niya ako makuha sa kama, kaya ayun—sa sobrang inis ko, humalik ako sa unang lalakeng nakita ko pagkatapos niyang umalis…” Napayuko si Alyana at mariing pinikit ang mga mata. “Tapos ‘yun nga… nangyari na talaga.”

"OMG!" Napatakip pa si Kyllie sa bibig niya. “Girl! As in all the way?”

Parang anytime ay hihimatayin na siya.

Tumango lang si Alyana, halatang nahihiya, at pinilit umiwas ng tingin. “Ni hindi ko alam na tito pala ni Derrick iyon… kasi nga mukha lang talaga siyang ka-age ni Derrick. Akala ko, some random stranger lang na gwapo. Nalaman ko na lang kinabukasan na tito pala siya, tapos ayun, bigla akong inalok ng kasal.”

“Isa pa yan, anong kasal? Tas yang singsing?" Takang tanong nito.

"Binigay niya ito bago ako umalis. Sabi niya, kung magkita ulit kami at suot ko pa rin itong singsing, itutuloy na raw namin ang kasal. Kinuha ko na lang para matapos na agad ‘yung moment, pero sa totoo lang, duda ako na magkikita pa kami.”

Hindi pa tapos si Alyana sa pagsasalita nang bigla na lang siyang batukan ni Kyllie.

“Baliw ka ba? Saan ka nga ulit magtatrabaho?” tanong nito habang nanlilisik ang mata.

Doon lang nanlaki ang mata ni Alyana, bigla siyang napatayo at natulala.

“H-Hindi ko naman siguro siya makikita…” mahina niyang bulong, pero ramdam na ramdam sa boses niya ang kaba. Habang inuulit-ulit sa isipan ang sinabi ng lalaki, kinilabutan siya. “Pero… what if? What if magkita nga kami ulit?”

Napatingin si Kyllie sa kanya na parang gusto siyang sabunutan. “Girl. Kung magkita kayo ulit, dapat may live updates ako. At kapag naging asawa mo ‘yan? Diyos ko, ako na magiging maid of honor!”