Chapter 15 

"ANONG kalokohan ang sinabi mo sa mga magulang natin?" Nagpa- panic na tanong ni Jornaliza kay Luigi kaya talagang napalakas ang kanyang boses. Mabuti na lang at may sliding door sa terrace kung saan sila naroroon ngayon. 

"Shhh…ang boses mo," saway sa kanya ni Luigi. 

Sasabihin na sana niya ritong kahit magsisisigaw siya ay hindi naman sila maririnig ng kanilang mga magulang dahil nagpaiwan pa ang mga ito sa library pero nang maalala niya kung nasaan sila ay bigla siyang natigilan. Para siyang natauhan nang dumapyo sa kanyang pisngi ang malamig na simoy ng hangin. Kahit naman kasi pasado alas-nueve na ay tiyak niya marami pa ring mala-Maritess sa paligid na nag-aabang ng ipapakalat kinabukasan. 

"Bakit pumayag kang magpakasal tayo?" Tanong niya sa mahinang tinig. Ayaw din naman kasi matsismis ng mga kapit-bahay nilang may makakating dila. Gayunman, alam niyang sa susunod na araw ay magiging tampulan na sila ng usapan ni Luigi dahil tiyak n