KABANATA 7

Band

"Hello babies!" bungad agad ng manager ko ng makita niya ang tatlo samantalang sila, peke lang ngumiti sa kanya, natawa ako habang nasa likod ng manager ko.

"Madam kanina pa sila excited na makita ka," nakangising sabi ko sa manager ko kaya sinamaan nila ako ng tingin.

Alam ng manager ko na hindi totoo ang sinabi ko sadyang siraulo lang talaga siya.

"Talagaaa!" natutuwang sabi niya sabay takbo palapit sa tatlo.

"Hi madam," napipilitang bati ni Nathan ng lumapit sa kanya ang manager ko at nag beso ganun rin ang dalawa sa kanya.

"Bakit ang tamlay niyo?" nagtakang tanong ng manager ko.

"Gusto daw nila ng kiss galing sayo," natatawang sabi ko, sabay sabay silang lumingon at sabay ring tumayo at sumigla ang kanilang mga mukha sa sinabi ko, tumawa ako ng malakas.

"Hindi kami matamlay!" masiglang sabi ni Lucas at palihim na sumama ang mukha sa akin, ngumisi ako sa kanya.

"Akala ko ba maaga tayo?" masiglang ring tanong ni Erik sabay tingin sa akin ng masama.

"Ayaw niyo akong ikiss?" kunwa