Kabanata 41

MASAYA si Adelyn sa pagdating ng mga kaibigan nila ni Jacob. Nakatulong ang pagkaaliw niya kasama ang mga ito para panandaliang makalimutan ang mga bagay na bumabagabag sa kanya. At least, she didn’t have to think about it for the time being. Kung maaari nga lang na pakiusapan niya ang mga itong huwag na lang munang magsiuwi. Pero siyempre, hindi naman iyong maaari dahil may kanya-kanya na ring pamilya ang mga kaibigan niya. Ang ilan pa nga sa mga ito ay may inaasikaso na ring mga anak na nagsisipag-aral na.

“Aba, at talagang iniwan na tayo rito ng mga tukmol na iyon, ha.”

Nagbaling ng tingin si Adelyn sa kaibigan niyang si Marie nang magsalita ito.

Halos ilang oras na rin nang makatapos silang sabay-sabay na kumain ng hapunan. Niyaya ni Jacob ang mga asa-asawa ng mga ito na magpunta sa game room para maglaro ng billiard.

“Boys will always be boys,” sabi naman ni Jackielyn. “Magpasalamat na lang tayo na hindi sila nagba-barhopping sa mga oras na ito at nagte-table ng mga babae.”

“