Kabanata 50

HINDI nagkukuwento si Adelyn kay Jacob kung ano ang nangyari sa mansiyon nang makipagkita ito sa lola nito. Tahimik lang ang kanyang asawa nang magkita sila sa bahay pagsapit ng gabi. Inabutan niya itong nakatutok sa laptop nito at tila may kung anong inaayos. At nang sumunod na araw, ang kanyang asawa na mismo ang unang bumasag sa katahimikan ng kanilang almusal.

“Nagalit si Lola noong malaman niya ang gustong mangyari ng El Nuevo Holdings,” anito sa mababang tinig. Panay ang paghiwa nito sa pancake ngunit hindi naman nito kinakain iyon.

“Hindi na nakakapagtaka na gano’n ang magiging reaksiyon ng lola mo.” Sa klase ng ugali mayroon ang matanda, at ang buong pamilya nito, hindi na ganoon kahirap na hulaan pa iyon. “Kung gano’n… may nangyari nga kahapon sa mansiyon.”

Isang marahang tango ang naging tugon sa kanya ni Adelyn pagkatapos ay nagsimula na itong kumain ng almusal, sa wakas.

Ibinaba ni Jacob ang tasa ng kape at pinagsalikop ang mga kamay sa ibabaw ng mesa.

“Then why didn’t you