Kabanata 5

MABILIS na nagmulat ng mga mata si Jacob nang maramdamang wala na si Adelyn sa kanyang tabi. Mas nauuna siyang bumangon sa asawa tuwing umaga at isa iyon sa iilang pagkakataon na hindi na niya nagigisnan ito. Hindi niya maiwasang mag-isip na baka may problema ito. Kagabi ay natutulog na ito nang dumating siya at sa kalagitnaan nang gabi ay naalimpungatan siya at narinig itong umiiyak. At kapag sumasapit ang ganoong pagkakataon, mas pinipili ni Jacob na bigyan muna ng space ang asawa bago ito tanungin.

Pababa na siya sa kama nang biglang bumukas ang pinto ng banyo at lumabas mula roon si Adelyn.

“Ang aga mo yatang nagising,” aniya at tuluyan nang nilisan ang kama.

“Tumawag ang assistant ni Lola. She wants me to join them for breakfast.” Adelyn sauntered towards the vanity table. “Gusto mo bang sumama?”

“Can I really come with you?” tanong niya habang naglalakad patungo sa banyo. “Baka mamaya sabihin na naman ng pamilya mo na nawalan sila ng gana—”

“It’s not really a normal breakfast with the family kagaya ng iniisip mo.” Sinulyapan siya nito. “It’s more like a business meeting.”

Napakunot ang noo ni Jacob.

“Business meeting?”

“Hm.” Nagbaling ng tingin sa kanya si Adelyn habang nagsusuklay. “Nabalitaan ni Lola na may six-star hotel project ang El Nuevo Holdings. Sa kabila ng mga nangyari sa hindi natuloy na cooperation, gusto pa rin niyang sumubok.”

“Ah.” Tumango-tango siya. Iyon din naman talaga ang inaasahan niyang mangyayari. “Knowing your grandmother, hindi siya papayag na maungusan ang Wilson Firm pagdating sa malalaking projects.”

“We lost bigtime.” Bumuntong-hininga si Adelyn. “Hindi ko rin nga maintindihan kung bakit bigla na lang umurong ang El Nuevo Holdings.”

Bakas ang labis na lungkot at panghihinayang sa tinig ng kanyang asawa.

“Siguro may ginawa ang pinsan mong hindi nila nagustuhan.”

“It’s me, Jacob. Ako ang gumawa ng proposal na iyon.”

“I know…” Naglakad siya palapit dito at hinaplos ang mga braso nito. “This is life, Adelyn. We win, we lose.”

Nagtagpo ang kanilang mga tingin sa salamin. Ilang sandali pa at ngumiti na ito.

“You know what, bilisan mo na para makapunta na tayo sa mansiyon. Magagalit na naman iyong si Lola kapag nahuli tayo.”

Hinalikan siya nito sa pisngi at itinulak sa direksiyon ng banyo.

Tatawa-tawa namang pumasok roon si Jacob at naligo.

HINDI na-late sina Jacob at Adelyn, pero masama pa rin ang timpla ng mga Wilson nang makita siyang dumulog sa hapag. Hindi maipinta ang mukha ni Neil na katapatan pa niya nang sandaling iyon. Suddenly, Jacob felt superior. Walang kaalam-alam ang mga Wilson na hawak na niya ngayon ang kapalarang ng kompanya ng mga ito.

“At talagang isinama mo pa iyan dito. Ano naman ang maiaambag niyan sa meeting na ito wala naman siyang alam sa kompanya?” naiinis na saad ni Neil. Uminom ito ng juice na hindi inaalis ang masamang tingin sa kanya. “Ah, nasabi ba niya sa iyo na nagtatrabaho na siya sa El Nuevo Holdings?”

Lahat ay nagulat sa sinabing iyon ng pinsan ng Adelyn.

Kaagad na napabaling sa kanya ang asawa, nagtatanong ang mga mata.

Napabuntong-hininga si Jacob. Hindi pa niya nasasabi kay Adelyn ang tungkol doon, pero hindi naman din niya maaaring sabihin ang totoo sa harap ng pamilya nito. Not now… Gusto ni Jacob na mas maging masarap ang paglasap niya sa tagumpay.

“Perhaps he’s working as an errand boy,” mayamaya ay dagdag ni Neil. “Sino ba namang malaking kompanya ang magha-hire sa isang kagaya ni Jacob na walang experience kundi magtrabaho sa talyer, carwash, convenience store, at kung saan-saan pa.”

“Hindi ko alam kung bakit malaking problema para sa inyo ang trabaho ng asawa ko. Wala akong nakikitang masama sa ginagawa niya,” pagtatanggol sa kanya ni Adelyn. “Hindi kasalanan ni Jacob kung walang kompanyang tumatanggap sa kanya, which makes me wonder—”

“Itigil n’yo na iyan!” saway ni Donya Maria. “Hindi ko kayo pinapunta rito para sa bagay na iyan. May mas importanteng bagay tayong dapat pag-usapan dahil ang kinabukasan ng kompanya ang nakasalalay.”

Natahimik ang lahat. Isa iyong patunay na si Donya Maria ang may hawak ng kapangyarihang sa pamilyang iyon.

“I want Wilson Firm to make this work. We badly need this cooperation, or the company will go to the drain. This time, hindi na ako mamimili. Kung sino ang may gustong makipag-negotiate sa El Nuevo Holdings para sa cooperation, I will allow it.”

Pinagsaikop ni Jacob ang mga kamay at tinimbang ang sinabing iyon ng matanda. Does it mean that she was afraid Neil might bring the company down? Did she finally recognize his wife’s effort? Or she just needed someone as a pawn? Subalit maalin man doon ang tunay na dahilan, hindi niya hahayaan na mapahamak si Adelyn.

Lumipas ang ilang minutong tahimik lang ang lahat. Mukhang walang may gustong magpresinta. Sabagay, sino nga ba naman ang may gustong mapagbuntunan ng sisi sa huli kung hindi magiging maayos ang lahat. Siguro ay nag-aalangan ang mga ito lalo pa at hindi naging maganda ang nangyari noong huli.

Napakislot ang laat nang ihampas ng matanda ang mga kamay nito sa mesa.

“Ano ba? Bakit walang sumsagot sa inyo? Wala bang may gustong kumuha ng project na ito?”

“Mama… Halata naman sa pag-ayaw nila sa atin nitong nakaraan na wala na tayong pag-asa sa kanila,” anang biyenan ni Jacob. “Hindi naman nila ire-reject ang proposal ni Neil kung interesado pa silang makipag-cooperate sa atin—”

“Ibig sabihin mo ba ay basta na lang nating susukuan ang El Nuevo Holdings? Baka nakakalimutan n'yo kung gaano kalaking halaga ang mawawala sa atin kapag hindi tayo nagtagumpay sa cooperation na ito. Sige, ganito na lang…” Tiningnan ni Donya Maria isa-isa ang mga kasama sa mesa. “Whoever wins this deal with El Nuevo Holdings will be promoted as director.”

It was a tempting offer. Bakas sa mata ng bawat isa ang pagkagusto at pag-aalinlangan sa bagay na iyon.

“Adelyn…” Ginagap niya ang kamay ng asawa.

“O-o? Bakit?” Nilingon siya nito.

“Take it.”

“H-ha?”

Itinaas ni Jacob ang kamay ng asawa.

“She’ll do it. Adelyn will take the task,” anunsiyo niya.

“J-Jacob… I…”

“I know you can do it, Adelyn. You are good at everything.” Nginitian niya ito. “The only problem is that… hindi ka nila binibigyan ng pagkakataon…” Sinulyapan niya ang pinsan nito. “Worse, they’re taking advantage of you.”

Tahimik lang na nakatingin sa kanilang mag-asawa ang lahat. Walang kumokontra ni isa. Sa malamang naisip ng mga itong hayaan na lang si Adelyn dahil magiging mas madaling ibunton ang sisi rito kapag nagkataon. Pero iyon ang akala ng mga ito. Jacob would make sure his wife would succeed and shine this time.

“Adelyn?” untag ni Donya Maria sa apo mayamaya.

Namimilog ang mga matang nagbaling ng tingin ang asawa niya sa lola nito at tumango.

“Y-yes, Lola… I’ll take this task.”

“Good,” walang emosyong tugon ng matanda. “Make sure you’ll get this cooperation. If you succeed, you’ll get promoted as one of the company’s directors. However, if you fail, you’re going to lose your job.”